រាជធានីភ្នំពេញ៖រថយន្ដដឹកកម្មកររោងចក្រកាត់ដេរដែលផ្ទុកកម្មករ-កម្មការិនីប្រមាណ៦០នាក់ទៅធ្វើការនៅរោងចក្រកាត់ដេរ រាជធានីភ្នំពេញ ៖ រថយន្ដដឹកកម្មកររោងចក្រ កាត់ដេរដែលផ្ទុក កម្មករ-កម្មការិនី ប្រមាណ ៦០ នាក់ទៅធ្វើការនៅរោងចក្រកាត់ដេរ ក្នុងភូមិទួលពង្រ សង្កាត់ចោមចៅ បានដាច់ចង្កូត រេទៅបុករបងថ្មផ្ទះប្រជាពលរដ្ឋ នៅក្នុងភូមិពងទឹកសង្កាត់ពងទឹក ខណ្ឌដង្កោ រាជធានីភ្នំពេញ បណ្ដាលឱ្យរងរបួសធ្ងន់ស្រាល ៧នាក់ កាលពីវេលាម៉ោង ៦និង៣០ នាទីព្រឹក ថ្ងៃទី២១ ខែតុលា ឆ្នាំ២០១៣។
មុនពេលកើតហេតុរថយន្ដ បានដឹកកម្មករ ចេញពីភូមិរោងគោ ឃុំទ្រា ស្រុកកណ្ដាលស្ទឹង ខេត្ដកណ្ដាល ទៅធ្វើការនៅរោងចក្រកាត់ដេរ អាមេរិកាំង នៅទួលពង្រ ដោយធ្វើដំណើរពីទិស ខាងត្បូងតាមផ្លូវជាតិលេខ៣ លុះមកដល់មុខវត្ដស្លែងក៏បត់ ឡើងមកទិសខាងកើត តាមផ្លូវវត្ដស្លែង តែពេលនោះតៃកុង បានបើកយឺតៗ ក៏រេចង្កូតពេញផ្លូវ ជ្រុលធ្លាក់ទៅបុក របងថ្មផ្ទះប្រជាពលរដ្ឋតែម្ដង។
ក្រុមកម្មករដែលឈរត្រៀបត្រា នៅលើរថយន្ដបានបុកគ្នា ខ្លះរបួសបែកមាត់ ខ្លះចុកទ្រូង ខ្លះរបួសក្បាល ក៏នាំគ្នាទៅពេទ្យក្បែរនោះ។ រថយន្ដបង្កហេតុ ម៉ាកហ៊ីយ៉ាន់ដាយ កូរ៉េពណ៌ស ជារថយន្ដប្រភេទ ១តោនកន្លះ ពាក់ស្លាកលេខ ក្រុងព្រះសីហនុ ២A-១៤៨១ បើកបរដោយឈ្មោះ ណុប តូន ភេទប្រុស អាយុ ២៥ឆ្នាំ មានទីលំនៅភូមិរោងគោ ឃុំទ្រា ស្រុកកណ្ដាលស្ទឹង ខេត្ដកណ្ដាល។
កម្មការិនីរងរបួសទាំង៧នាក់នោះ មានឈ្មោះ១- សាត សៃ អាយុ៤៥ឆ្នាំ របួសមាត់និងក្បាល ២-ឈ្មោះ យ័ន ចេក អាយុ ៤៣ឆ្នាំ របួសចុកទ្រូង ៣-ឈ្មោះ ឃុំ ចាន់សុំ អាយុ ២៧ឆ្នាំ របួសក្បាល ៤-ឈ្មោះ ថោង សុភ័ក អាយុ ៣៨ឆ្នាំ របួសចង្កេះនិងចុកទ្រូង ៥-ឈ្មោះ ឆាំ សុខេម អាយុ ៣៨ឆ្នាំ របួសមាត់និងក្បាល រួមនឹងអ្នកបើកបរ ម្នាក់ទៀតផងដែរ ហើយខាងរោងចក្របានសន្យា ជួយចេញលុយ ថ្លៃព្យាបាលផងដែរ៕
Source from: watphnom-news.com
Loading...
Post a Comment