ខេត្តបាត់ដំបង៖សមត្ថកិច្ចចម្រុះបានធ្វើការស្ទាក់រថយន្តលុចស៊ីសមួយគ្រឿងឃាត់ខ្លួនបុរសម្នាក់និងឆែកឆេររកឃើញថ្នាំញៀនចំនួន៥ថង់ស្មើខេត្តបាត់ដំបង ៖ សមត្ថកិច្ចចម្រុះបានធ្វើការ ស្ទាក់រថយន្តលុចស៊ីស មួយគ្រឿងឃាត់ខ្លួនបុរសម្នាក់ និងឆែកឆេររកឃើញ ថ្នាំញៀនចំនួន ៥ថង់ស្មើ ១៨,៥៤ ក្រាមនិងសម្ភារៈវេចខ្ចប់ នៅជាប់នឹងទ្វាររថយន្តកាលពីម៉ោង ២៤និង៣០ នាទីរំលងអធ្រាតថ្ងៃទី ២៥ខែតុលា ឆ្នាំ២០១៣ តាមផ្លូវមុខសណ្ឋាគារ ប្រេស៊ីដង់ ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង។
រហូតដល់ម៉ោង ១០ព្រឹកថ្ងៃដដែលនេះ សមត្ថកិច្ចនគរបាល បានស្នើសុំការអនុញ្ញាតពីលោក នួន សានព្រះរាជអាជ្ញា បន្តធ្វើការឆែកឆេរផ្ទះជួលមួយកន្លែង នៅក្រុមទី២២ ភូមិចំការសំរោង២ សង្កាត់ចំការសំរោង ក្រុងបាត់ដំបង រកឃើញសម្ភារៈវេចខ្ចប់មួយចំនួនទៀត។ លោក ខៀវ ឈឿត នាយការិយាល័យស្តីទី ប្រឆាំងគ្រឿងញៀន បានឲ្យដឹងថា បុរសសង្ស័យដែលត្រូវឃាត់ខ្លួន មានឈ្មោះ អៀងសុខឿន អាយុ ៣៤ឆ្នាំ មានទីលំនៅក្រុមទី១២ ភូមិវត្តរំដួល សង្កាត់ចំការសំរោង ក្រុងបាត់ដំបង។
វត្ថុតាងដែលដកហូតបាន មានរថយន្តលុចស៊ីសប្រភេទ ៣០០ ពណ៌សមួយគ្រឿង និងថ្នាំញៀនម៉ាទឹកកកពណ៌ស ចំនួន ៤ថង់ស្មើ ១៥,៩២ ក្រាម និងថ្នាំញៀនយ៉ាម៉ា បែកខ្ទេចពណ៌ក្រហមចំនួន ១ ថង់ស្មើ ២,៦២ ក្រាមរួមទាំងសំភារៈវេចខ្ចប់ ហើយថ្នាំញៀនសរុបមានចំនួន ៥ថង់ស្មើ ១៨,៥៤ ក្រាម។ បុរសសង្ស័យឈ្មោះ អៀង សុខឿន បានសារភាពថា ខ្លួនធ្លាប់រកស៊ីយូណាស់មកហើយ និងមានផ្ទះជួលច្រើនកន្លែង សម្រាប់លាក់ទុកថ្នាំញៀន៕
Source from: watphnom-news.com
Loading...
Post a Comment