ខេត្តបន្ទាយមានជ័យ៖បុរសអាយុ១៦ឆ្នាំម្នាក់បានក្លាយជាឃាតកសាហាវផុតលេខប្រចាំឆ្នាំ២០១៣នេះដោយសារបានធ្វើសកម្មភាពបាញ់សម្លាប់ឪពុករួចហើយខេត្តបន្ទាយមានជ័យ ៖ បុរសអាយុ ១៦ឆ្នាំម្នាក់បានក្លាយជា ឃាតកសាហាវផុតលេខ ប្រចាំឆ្នាំ២០១៣នេះ ដោយសារបានធ្វើសកម្មភាព បាញ់សម្លាប់ឪពុករួចហើយ ថែមទាំងចាប់រំលោភកូនស្រីរហូតបានសម្រេច កាលពីវេលាម៉ោង១និង៣០ នាទីរំលងអធ្រាត ឈានចូលថ្ងៃទី២៤ ខែតុលា ឆ្នាំ២០១៣ នៅ ចំណុចអូរថៅកែយំ ស្ថិតក្នុងភូមិអូរអំពិល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។
ជនរងគ្រោះមានឈ្មោះ ណេត សល់ អាយុ ៤២ឆ្នាំ មានទីលំនៅក្នុងភូមិចំការចេក ឃុំរហាត់ទឹក ស្រុកមង្គលបុរី ខេត្តបន្ទាយមានជ័យ មានមុខរបជាកសិករ និងជាកម្មករចាំចំការឲ្យគេ ត្រូវជាឪពុករបស់កុមារីរងគ្រោះមានឈ្មោះ នរ អាយុ ១៤ឆ្នាំ ដែលត្រូវបានជនសង្ស័យ ចាប់រំលោភបានសម្រេច។ ជនសង្ស័យត្រូវគេស្គាល់ឈ្មោះ សន នី ភេទប្រុស អាយុ ១៦ឆ្នាំ រស់នៅក្នុងភូមិកើតហេតុខាងលើ ។
កុមារីរងគ្រោះ បានឲ្យដឹងថា ពីដំបូងឡើយនាងនិងឪពុក ជាមួយនិងជនដៃដល់ ដើរទៅចាំចំការឲ្យគេ ដោយពុំមានរឿងអ្វីនោះទេ ហើយមានភាពស្និទ្ធស្នាលជាមួយគ្នា ខ្លាំងថែមទៀតផង។ នៅព្រឹកថ្ងៃទី២៣ ខែតុលា ពួកគេទាំងបីនាក់ នាំគ្នាទៅចាំចំការគេ ពេលទៅដល់ នាងឃើញមានកាំភ្លើង សេកាសេ កាត់ស្វ័យ ១ដើម ទុកនៅក្នុងខ្ទមចាំចំការ ដោយពួកគេពុំមាន ការឈ្លោះប្រកែកគ្នានោះទេ។
ដល់ពេលអធ្រាតម៉ោង ១យប់ឈានទៅថ្ងៃទី២៤ ខែតុលា ជនដៃដល់បានធ្វើសកម្មភាព បាញ់សម្លាប់ឪពុករបស់នាង ដែលដេកនៅលើអង្រឹង ដោយនាងពុំដឹងថា សូរសំឡេងអ្វីនោះទេ ស្រាប់ជនដៃដល់ឡើងលើខ្ទមចាំចំការ ដែលនាងកំពុងដេក ហើយក៏បានរំលោភនាង បានសម្រេចតែម្តងទៅ ។ ភ្លាមនោះជនដៃដល់ ក៏បានរត់គេចខ្លួន បាត់ស្រមោល។
ជនរងគ្រោះត្រូវជនល្មើស បាញ់សម្លាប់នឹងកាំភ្លើងប្រភេទ សេកាសេ កាត់ស្វ័យ គឺបាញ់មួយគ្រាប់ចំក្បាល ពីក្រោយធ្លាយទៅមុខ ស្លាប់នៅលើអង្រឹង។ បច្ចុប្បន្នកងកម្លាំងសមត្ថកិច្ច កំពុងចុះស្រាវជ្រាវ និងតាមប្រមាញ់ជនល្មើសនិងអាវុធ ដើម្បីយកមកផ្តន្ទាទោសតាមច្បាប់។ ចំណែកសាកសពជនរងគ្រោះត្រូវបានប្រគល់ជូន ក្រុមសាច់ញាតិបងប្អូន យកទៅធ្វើបុណ្យ តាមប្រពៃណីខ្មែរ៕
Source from: watphnom-news.com
Loading...
Post a Comment