ខេត្តកំពង់ឆ្នាំង ៖ ជនរងគ្រោះជាឪពុកនិងកូន ២នាក់ បានស្លាប់យ៉ាងរន្ធត់ នៅកន្លែងកើតហេតុ បន្ទាប់ពីបានជិះម៉ូតូវ៉ាម៉ូតូ ១គ្រឿងទៀតក្នុងទិសស្របគ្នា ដោយខ្វះការប្រុងប្រយ័ត្ន បានជ្រុលទៅបុក ជាមួយរថយន្តដឹកកម្មកររោងចក្រ កាលពីវេលាម៉ោង ៥និង ៣០ នាទីល្ងាចថ្ងៃទី២៣ ខែតុលា ឆ្នាំ២០១៣ នៅលើផ្លូវលំ ក្នុងភូមិអូរឬស្សី ឃុំអូរឬស្សី ស្រុកកំពង់ត្រឡាច ។ ករណីនេះសមត្ថកិច្ចបានសន្និដ្ឋានថា បណ្តាលមកពីម៉ូតូបើកលឿន វ៉ាគេមិនប្រុងប្រយ័ត្ន ចំណែករថយន្តបើកលឿនពេក ពេលមានគ្រោះថ្នាក់ ចាប់ហ្វ្រាំងមិនទាន់។
មុនពេលកើតហេតុបុរសរងគ្រោះឈ្មោះ អ៊ុត សាន អាយុ ៣៧ឆ្នាំ រស់នៅក្នុងភូមិប្រប ឃុំច្រេស ស្រុកកំពង់ត្រឡាច បានបើកម៉ូតូម៉ាក គ្រីសអង្គរ ពណ៌ក្រហម ដឹកកូនស្រីអាយុ ៦ឆ្នាំពីដាក់មុខ ដោយដៃម្ខាងអោបកូន ដៃម្ខាងបើកម៉ូតូ។ លុះមកដល់កន្លែងកើតហេតុ បានបើកវ៉ាម៉ូតូ១ គ្រឿងទៀតក្នុងទិសស្របគ្នា ទៅវាក់នឹងរថយន្តដឹកកម្មកររោងចក្រ ដែលបើកមកពីមុខក្នុងទិសច្រាស់គ្នា ពេលនោះអ្នកបើកម៉ូតូ ក៏បានដួលនៅមុខរថយន្ត ចំណែករថយន្តដែលកំពុងបើកលឿន ចាប់ហ្វ្រាំងមិនទាន់ក៏បាន បុកកិនម៉ូតូជនរងគ្រោះ បណ្តាលឲ្យឪពុកកូន ២នាក់នោះ ស្លាប់ភ្លាមនៅកន្លែងកើតហេតុ ៕
Source from: watphnom-news.com
Loading...
Post a Comment