អ្នកវិទ្យាសាស្ត្រ​បង្ហាញ​វត្តមាន​កោះ​មួយ​ក្នុង​សមុទ្រ​អារ៉ាប់​ដែលមាន​អាយុ​ខ្លី​ត្រឹមតែ​១​ឆ្នាំ​លិច​ចុះ​ក្នុង​ទឹកសមុទ្រ​វិញ​

10/15/2013 12:57:00 PM

អ្នកវិទ្យាសាស្ត្រនៃអង្គការNASAបានបង្ហាញនូវរូបភាពកោះថ្មី១ដែលទើបនឹងកើតឡើងក្នុងសមុទ្រអារ៉ាប់បន្ទាប់ពីមានហេតុការណ៍រញ្ជួយដីកាលពីសប្តាហ៍មុនដោយសម្លាប់មនុស្សអស់ប្រមាណ៥០០នាក់នៅប្រទេសប៉ាគីស្ថាន។កោះថ្មីដែលផុសចេញក្នុងលំហសមុទ្រនេះត្រូវបានអ្នកវិទ្យាសាស្ត្រថតដោយផ្កាយរណប

អ្នកវិទ្យាសាស្ត្រនៃអង្គការ NASA បានបង្ហាញនូវរូបភាពកោះថ្មី១ដែលទើបនឹងកើតឡើងក្នុងសមុទ្រអារ៉ាប់បន្ទាប់ពីមានហេតុការណ៍រញ្ជួយដី កាលពីសប្តាហ៍មុនដោយសម្លាប់មនុស្សអស់ប្រមាណ៥០០នាក់នៅប្រទេសប៉ាគីស្ថាន ។

កោះថ្មីដែលផុសចេញក្នុងលំហសមុទ្រនេះត្រូវបានអ្នកវិទ្យាសាស្ត្រថតដោយផ្កាយរណប Earth Observing-1 របស់អង្គការ NASA នៅថ្ងៃទី២៦ ខែកញ្ញា ឆ្នាំ២០១៣ និងត្រូវបានដាក់ឈ្មោះថា Zalzula Jazeera ឋិតនៅចម្ងាយប្រមាណ៣៨០គីឡូម៉ែត្រ ពីស្នូលរញ្ជួយដី ចំណុះឈូងសមុទ្រ Paddi Zirr ជិត Suadar ក្នុងសមុទ្រអារ៉ាប់ ។

តាមអ្នកវិទ្យាសាស្ត្របានឲ្យដឹងថា កោះ Zalzula Jazeera បានអណ្តែតផុតលើផ្ទៃសមុទ្រចន្លោះប្រមាណពី១៥ទៅ២០ម៉ែត្រ និងមានបណ្តោយពី៧៥ទៅ៩០ម៉ែត្រ ។ កោះនេះវាកើតចេញពីសារធាតុចម្រុះនៃល្បាប់ ខ្សាច់និងថ្មដែលច្រានឡើងពីបាតសមុទ្រមកដោយសម្ពាធខ្លាំងមួយ ។

ប្រជាពលរដ្ឋប៉ាគីស្ថាន បាននាំគ្នាសម្រុកទៅមើលកោះថ្មីដែលទើបនឹងដុះនោះយ៉ាងច្រើនកុះករ ។

ទោះជាយ៉ាងណាក៏ដោយ អ្នកវិទ្យាសាស្ត្របានព្យាករណ៍ទុកថា កោះថ្មីនេះអាចមានអាយុឋិតថេរបានត្រឹមប្រមាណ១ឆ្នាំប៉ុណ្ណោះ គឺក្រោយមកវានឹងលិចចុះក្នុងទឹកសមុទ្រវិញ ៕