រាជធានីភ្នំពេញ៖បុរសចំណាស់ម្នាក់បានស្លាប់ភ្លាមៗនៅនឹងកន្លែងខណៈដែលកំពុងជិះម៉ូតូម៉ាកវ៉េវធ្វើដំណើរតាមផ្លូវជាតិ៥ លុះមកដល់មុខស្ថានីយ៍រាជធានីភ្នំពេញ ៖ បុរសចំណាស់ម្នាក់ បានស្លាប់ភ្លាមៗ នៅនឹងកន្លែងខណៈដែល កំពុងជិះម៉ូតូម៉ាកវ៉េវ ធ្វើដំណើរតាមផ្លូវជាតិ៥ លុះមកដល់មុខស្ថានីយ៍ ប្រេងឥន្ធនៈតេលា ក៏ស្រាប់តែមានរថយន្ត របស់ប៉ូលិស ១គ្រឿងម៉ាកហ៊ីលុច ដែលធ្វើដំណើរបញ្ច្រាសទិសគ្នា បានបត់ស្តាំចូលចាក់សាំង ហើយក៏ជ្រុលទៅបុកម៉ូតូ ចំពីមុខពេញទំហឹងតែម្តង កាលពីវេលាម៉ោង ៧យប់ថ្ងៃទី២៦ ខែតុលា ឆ្នាំ២០១៣ នៅតាមបណ្ដោយ ផ្លូវជាតិលេខ៥ ស្ថិតក្នុងភូមិឌួង សង្កាត់ព្រែកព្នៅ ខណ្ឌសែនសុខ ។
បុរសដែលរថយន្ដបុកស្លាប់នោះ មានឈ្មោះ ទា បេ អាយុ ៦៩ឆ្នាំ ជាមន្ដ្រីជាប់កិច្ចសន្យា នៃអង្គភាពប្រឆាំងអំពើពុករលួយ ស្នាក់នៅផ្ទះលេខ១ ផ្លូវលេខ២៣ សង្កាត់ជ័យជំនះ ខណ្ឌដូនពេញ ជិះម៉ូតូម៉ាកវ៉េវអេស ពណ៌ខ្មៅ ពាក់ស្លាកលេខភ្នំពេញ 1AC-7426 ។ ចំណែករថយន្ដបង្កហេតុម៉ាក ហ៊ីលុច មួយបាំងកន្លះពណ៌ខ្មៅលាយស ពាក់ស្លាកលេខ នប ២.០៤៤៥ មិនស្គាល់អត្ដសញ្ញាណអ្នកបើកបរ ព្រោះក្រោយបង្កហេតុ បានចតរថយន្ដចោល រត់គេចខ្លួនបាត់ស្រមោល ។
មុនពេលកើតហេតុ បុរសវ័យចំណាស់ឈ្មោះ ទា បេ ជិះម៉ូតូម្នាក់ឯងក្នុង ទិសដៅពីត្បូងទៅជើង លុះមកដល់ចំណុចកើតហេតុ ស្រាប់តែរថយន្ដនគរបាល ដែលបើកលឿនជែង រថយន្ដមួយគ្រឿងទៀត ក៏រេចង្កូតជ្រុលទៅបុក បុរសរងគ្រោះចំពីមុខពេញទំហឹង បណ្ដាលឱ្យស្លាប់ភ្លាមៗ នៅនឹងកន្លែងកើតហេតុ ។ ភ្លាមៗនោះនគរបាលមូលដ្ឋាន ចុះទៅដល់កន្លែងកើតហេតុវាស់វែង យកម៉ូតូ និងរថយន្ដទៅរក្សាទុកនៅអធិការដ្ឋាន នគរបាលខណ្ឌសែនសុខ ដើម្បីដោះស្រាយតាមផ្លូវច្បាប់ ៕
Source from: watphnom-news.com
Loading...
Post a Comment