រាជធានីភ្នំពេញ៖បុរសម្នាក់បានបើករថយន្តថយចេញពីក្នុងផ្ទះរួចជ្រុលបុកអ្នកជិះម៉ូតូកំពុងលក់នំម្នាក់របួសបាក់ជើងរួចជ្រុលទៅបុក រាជធានីភ្នំពេញ ៖ បុរសម្នាក់បានបើករថយន្ត ថយចេញពីក្នុងផ្ទះ រួចជ្រុលបុកអ្នកជិះម៉ូតូ កំពុងលក់នំម្នាក់ របួសបាក់ជើង រួចជ្រុលទៅបុក របងបញ្ជាការដ្ឋាន ទ័ពអាកាស កាលពីវេលាម៉ោង ៥និង៤០ នាទីល្ងាចថ្ងៃទី១៤ ខែតុលា ឆ្នាំ២០១៣ ស្ថិតនៅក្នុងផ្លូវ២០០៤ សង្កាត់កាកាប ខណ្ឌពោធិ៍សែនជ័យ ហើយជនបង្កត្រូវបានកម្លាំងនគរបាលឃាត់ខ្លួន យកទៅសួរនាំភ្លាមៗផងដែរ។
បុរសដែលបានបង្កគ្រោះថ្នាក់ចរាចរ គឺជាបុគ្គលិកបម្រើការងារ នៅក្នុងខារ៉ាអូខេ ត្រជាក់ចិត្ត ក្នុងសង្កាត់កាកាប ខណ្ឌពោធិ៍សែនជ័យ ។ សាក្សីបានឲ្យដឹងទៀតថា គ្រោះថ្នាក់គឺបណ្តាលមកពី អ្នកបើកបរបើក រថយន្ត ថយក្រោយចេញពីផ្ទះ ដោយខ្វះការប្រុងប្រយ័ត្ន មិនបានមើលខាងក្រោយ ទើបបុកម៉ូតូ បុរសម្នាក់ ដែលកំពុងជិះលក់នំ បណ្តាលឲ្យដួងបាក់ជើង បន្ទាប់មកក៏បានជាន់ហ្គែរ រួចថយក្រោយទៅបុក របងបញ្ជាការដ្ឋាន កងទ័ពអាកាស យ៉ាងពេញទំហឹង បណ្តាលឲ្យខ្ទេចអស់មួយផ្ទាំង ។
រថយន្តបង្កហេតុម៉ាក មែរសឺដេស ពណ៌ទឹកប្រាក់ ពាក់ស្លាកលេខភ្នំពេញ 2W-8114 ស៊េរីឆ្នាំ១៩៩៩ នេះជារបស់ម្ចាស់ហាង ខារ៉ាអូខេ ត្រជាក់ចិត្ត គឺទើបតែទិញថ្មី ហើយនេះក៏ជា កំហុសរបស់គាត់ផងដែរ ដោយបាន បណ្តោយ ឲ្យកូនចៅរបស់ខ្លួន ដែលមិនសូវចេះបើក ថយរថយន្តចេញពីក្នុងផ្ទះ ។ ជាមួយគ្នានោះ ម្ចាស់ខារ៉ាអូខេ ត្រជាក់ចិត្ត បានធានាថា រូបគាត់និងទទួលខុសត្រូវ ចំពោះការខូចខាតនេះ ដោយជួយចេញថ្លៃព្យាបាលអ្នករបួស រួមនិងធ្វើការជួសជុល របងបញ្ជាការដ្ឋានកងទ័ពអាកាស ដែលរងការខូចខាតនេះ៕
Source from: watphnom-news.com
Loading...
Post a Comment