ខេត្តរតនគិរី៖តាមការស្រាវជ្រាវយ៉ាងដិតដល់សមត្ថកិច្ចបានឃាត់ខ្លួនជនដៃដល់ពាក់ព័ន្ធនិងការបាញ់សម្លាប់ថៅកែចំការកៅស៊ូកាលពីវេលាម៉ោង៨យប់ថ្ងៃទី២១ខេត្តរតនគិរី ៖ តាមការស្រាវជ្រាវយ៉ាងដិតដល់ សមត្ថកិច្ចបានឃាត់ខ្លួន ជនដៃដល់ពាក់ព័ន្ធនិងការ បាញ់សម្លាប់ថៅកែចំការកៅស៊ូ កាលពីវេលាម៉ោង ៨យប់ថ្ងៃទី២១ ខែតុលា ស្ថិតនៅក្នុងផ្ទះសំណាក់មួយកន្លែង ក្នុងភូមិជ័យជំនះ សង្កាត់ឡាបានសៀក ស្រុកបានលុង ខេត្ដរតនគិរី គឺរំលងតែប៉ុន្មានម៉ោងប៉ុណ្ណោះ បន្ទាប់ពីមានការភ្ញាក់ផ្អើល ជុំវិញអំពើឃាតកម្ម បាញ់សម្លាប់មនុស្ស មិនញញើតដៃ។
មន្ដ្រីនគរបាលព្រហ្មទណ្ឌកម្រិតធ្ងន់ បាននិយាយថា ជនសង្ស័យមានឈ្មោះ សុខ ណា ហៅ ខ្នា អាយុ៤៨ឆ្នាំ ស្នាក់នៅភូមិ២ ឃុំល្អក់ ស្រុកអូរជុំ ។ ជនសង្ស័យមានចំការកៅស៊ូ ប្រមាណ ១០ ហិកតា នៅ ជាប់ចំការកៅស៊ូ ជនរងគ្រោះ ហើយកន្លងទៅពួកគេទាំងពីរនាក់ មានជម្លោះជាមួយគ្នា រឿងព្រំដី ហើយជនសង្ស័យធ្លាប់បោះ ពាក្យសំដីថា អ្ហែងរស់នៅមិនបានសុខនោះទេ ។
នៅចំពោះមុខសមត្ថកិច្ច ជនសង្ស័យបាន ឆ្លើយដោះសារថា ខ្លួនដេកក្នុងសំណាក់ រង់ចាំស្រីស្នេហ៍ ប៉ុន្ដែដោយមានភស្ដុតាង សមត្ថកិច្ចបានឃាត់ខ្លួនឈ្មោះ សុខ ណា ហៅ ខ្នា និងបន្ដសាកសួរនិងកសាងសំណុំរឿង បញ្ជូនទៅតុលាការ ។ សូមរំលឹកថា ថៅកែចំការកៅស៊ូ ឈ្មោះ សែ ម៉ូវសែ អាយុជាង ៥០ឆ្នាំ រស់នៅក្រុងតាខ្មៅ ខេត្ដកណ្ដាល ត្រូវបានជនមិនស្គាល់ មុខបាញ់សម្លាប់យ៉ាង អាណោចអាធ័មបំផុត នៅក្នុងព្រៃ ដោយសារតែរឿងជម្លោះព្រំដី៕
Source from: watphnom-news.com
Loading...
Post a Comment