រាជធានីភ្នំពេញ៖បុរសម្នាក់ជិះម៉ូតូឌុបប្រពន្ធហើយបានកៀរនារីម្នាក់ដែលកំពុងជិះម៉ូតូស្របទិសគ្នាហើយគ្រាន់តែនាងមើលមុខស្រាប់តែបុរសកំណាចម្នាក់នោះរករឿងវាយនាងឡើងប៉ោងមុខរងរបួសយ៉ាងដំណំរាជធានីភ្នំពេញ ៖ បុរសម្នាក់ជិះម៉ូតូឌុបប្រពន្ធ ហើយបានកៀរនារីម្នាក់ ដែលកំពុងជិះម៉ូតូស្របទិសគ្នាហើយគ្រាន់តែនាងមើលមុខ ស្រាប់តែបុរសកំណាចម្នាក់នោះ រករឿងវាយនាងឡើងប៉ោងមុខ រងរបួសយ៉ាងដំណំ ហើយជនបង្កបានរត់គេចខ្លួន បាត់បន្សល់ទុកម៉ូតូ និងប្រពន្ធនៅ កន្លែងកើតហេតុ កាលពីវេលាម៉ោង ២៣និង១០ នាទីយប់ថ្ងៃទី២១ ខែតុលា ឆ្នាំ២០១៣ តាមបណ្ដោយផ្លូវលេខ១៦៣ កែងព្រះសីហនុ ស្ថិតក្នុងសង្កាត់វាលវង់ ខណ្ឌ៧មករា។
នារីរងគ្រោះឈ្មោះ ង៉ែត បូរ៉ន ភេទស្រី អាយុ ២៥ឆ្នាំ ស្នាក់នៅម្តុំបឹងសាឡាង សង្កាត់បឹងសាឡាង ខណ្ឌទួលគោក រីឯជនបង្កមិនត្រូវបានគេស្គាល់ អត្តសញ្ញាណនោះទេ។ មុនពេលកើតហេតុឈ្មោះ ង៉ែត បូរ៉ន បានជិះម៉ូតូកូនទា គ្មានស្លាកលេខធ្វើដំណើរ តាមបណ្ដោយផ្លូវលេខ១៦៣ ក្នុងទិសដៅពីជើងទៅត្បូងដែលទើបតែចេញ ពីខួបកំណើតមិត្តភក្ដិ ។
ខណៈមកដល់ចំណុចកើតហេតុ ស្រាប់តែមានប្ដីប្រពន្ធមួយគូ ជិះម៉ូតូម៉ាកយ៉ាម៉ាហាហ្វ្រេស ពណ៌ខៀវ គ្មានស្លាកលេខធ្វើ ដំណើរស្របទិសគ្នា ហើយបានវ៉ាម៉ូតូរបស់នាង រួចក៏បានកៀរបណ្តាលឲ្យ ម៉ូតូចង់ដួល ដោយគ្រាន់តែនាងមើលមុខ ស្រាប់តែជននោះ បានឈប់ម៉ូតូជជែកបណ្ដាលឲ្យ ទាស់សំដីគ្នាហើយជនបង្ក បានចុះមកវាយនាងតែម្តង បណ្ដាលឲ្យរងរបួសប៉ោងមុខ បន្ទាប់មកជនបង្កបានរត់គេចខ្លួនបាត់ បន្សល់ទុកម៉ូតូនិងប្រពន្ធ នៅកន្លែងកើតហេតុ៕
Source from: watphnom-news.com
Loading...
Post a Comment