ខេត្តកំពង់ឆ្នាំង៖ដោយទំនងជាតៃកុងងោកមួយភាំងរថយន្តក្រុងរបស់ក្រុមហ៊ុនអូឡាំពិកអិចស្ព្រេសលីមូសិនដឹកអ្នកដំណើរបានធ្លាក់ប្រឡាយជ្រុលខេត្តកំពង់ឆ្នាំង ៖ ដោយទំនងជាតៃកុងងោកមួយភាំង រថយន្តក្រុងរបស់ក្រុមហ៊ុន អូឡាំពិកអិចស្ព្រេស លីមូសិន ដឹកអ្នកដំណើរ បានធ្លាក់ប្រឡាយជ្រុល ទៅបុកគល់ឈើមួយទំហឹង កាលវេលាម៉ោង ៤និង៣០ នាទីទៀបភ្លឺថ្ងៃទី២២ ខែតុលាឆ្នាំ២០១៣ ស្ថិតនៅចំណុច ភូមិថ្នល់ថ្មី ខុំជ្រៃបាក់ ស្រុករលាប្អៀរ ខេត្តកំពង់ឆ្នាំង ធ្វើឲ្យអ្នកដំណើរចំនួន ៣៥នាក់ ភ័យព្រលឹងចុងសក់។
រថយន្តក្រុងបង្កគ្រោះថ្នាក់ ពាក់ស្លាកលេខ សៀមរាប 3A-0925 ជារបស់ក្រុមហ៊ុន អូឡាំពិកអិចស្ព្រេសលីមូសិន បានដឹកអ្នកដំណើរចំនួន ៣៥នាក់ពីក្រុងប៉ោយប៉ែត ទៅក្រុងភ្នំពេញ។ មុនពេលកើតហេតុ អ្នកបើកបររថយន្ត បានងងុយដេក ហើយបានឈប់សំរាករួចម្តងមកហើយ ក៏បានបន្តដំណើរទៅមុខទៀត លុះមកដល់ចំណុចកើតហេតុ រថយន្តក៏បានរេចង្កូត ធ្លាក់ប្រឡាយខាងឆ្វេងដៃ ផ្អៀងទៅបុកគល់ឈើ បណ្តាលឲ្យអ្នកដំណើរ នៅលើរថយន្ត រងរបួសស្រាលមួយចំនួន ។
ក្រោយពេលកើតហេតុ អ្នកបើកបររថយន្ត បានចុះរត់គេចខ្លួនបាត់ ហើយអ្នកធ្វើដំណើរទាំង ៣៥នាក់ បានបង្ខំចិត្តជួលរថយន្ត តាក់ស៊ីជិះបន្តមកក្រុងភ្នំពេញ។ សាក្សីបាននិយាយថា រថយន្តនេះ បើកបរក្នុងល្បឿនយឺតៗតែប៉ុណ្ណោះ ទើបមិនបណ្តាលឲ្យមានគ្រោះថ្នាក់ធ្ងន់ធ្ងរ ប្រសិនបើគេបើកលឿនវិញនោះ អ្នកបើកបររថយន្តអាចនឹងបុកគល់ឈើស្លាប់ ចំណែកអ្នកធ្វើដំណើរ ក៏អាចរងរបួសធ្ងន់ធ្ងរច្រើននាក់ផងដែរ៕
Source from: watphnom-news.com
Loading...
Post a Comment