សភាគណបក្សប្រជាជនកម្ពុជាចំនួន៦៨រូបបានដំណើរការបើកកិច្ចប្រជុំលើកដំបូងរបស់ខ្លួនកាលពីថ្ងៃទី២៣ខែកញ្ញាឆ្នាំ២០១៣កន្លងមកដោយគ្មានវត្តមានតំណាងរាស្ត្រជាប់ឆ្នោតមកពីខាងគណបក្សសង្គ្រោះជាតិចំនួន៥៥រូបឡើយទោះបីច្បាប់រដ្ឋធម្មនុញ្ញបានតម្រូវឲ្យរដ្ឋសភាមាសមាជិកជាតំណាងរាស្ត្រចំនួនយ៉ាងតិច១២០រូបក៏ដោយសភាគណបក្សប្រជាជនកម្ពុជាចំនួន៦៨រូបបានដំណើរការបើកកិច្ចប្រជុំលើកដំបូងរបស់ខ្លួន កាលពីថ្ងៃទី២៣ ខែកញ្ញា ឆ្នាំ២០១៣កន្លងមក ដោយគ្មានវត្តមានតំណាងរាស្ត្រជាប់ឆ្នោតមកពីខាងគណបក្សសង្គ្រោះជាតិចំនួន៥៥រូបឡើយ ទោះបីច្បាប់រដ្ឋធម្មនុញ្ញបានតម្រូវឲ្យរដ្ឋសភាមាសមាជិកជាតំណាងរាស្ត្រចំនួនយ៉ាងតិច១២០រូបក៏ដោយ "តាមការកំណត់ចំនួនអាសនៈរដ្ឋសភាសម្រាប់នីតិកាលទី៥នេះ ត្រូវមានសមាជិកជាតំណាងរាស្ត្រចំនួន១២៣រូប" ។
មិនត្រឹមតែដំណើរការកិច្ចប្រជុំលើកដំបូងរបស់ខ្លួនប៉ុណ្ណោះទេ សភាគណបក្សប្រជាជនកម្ពុជាទាំងចំនួន៦៨រូប បានរៀបចំប្រធាន អនុប្រធានរដ្ឋសភា ប្រធាន អនុប្រធាន និងសមាជិកគណៈកម្មការជំនាញទាំង៩នៃរដ្ឋសភា ព្រមទាំងអនុម័តបង្កើតរាជរដ្ឋាភិបាលនីតិកាលទី៥នៃរដ្ឋសភា គ្រប់គ្រងអំណាចផ្តាច់មុខដោយគណបក្សប្រជាជនកម្ពុជារួចរាល់អស់ហើយ ដោយមានសមាសភាពគណៈរដ្ឋមន្ត្រីសរុបចំនួនជាង២០០នាក់ ។
ថ្នាក់ដឹកនាំគណបក្សប្រឆាំងបានអះអាងថា ការណ័ដែលអ្នកតំណាងរាស្ត្រជាប់ឆ្នោតរបស់គណបក្សសង្គ្រោះជាតិចំនួន៥៥រូប ដែលទទួលបានសុពលភាពសមាជិករដ្ឋសភារួចហើយ និងមិនព្រមធ្វើសច្ចាប្រណិធានចូលកាន់មុខតំណែងនោះ គឺដោយសារ ៖ ១-គណបក្សកាន់អំណាចមិនព្រមចូលរួមបង្កើតគណៈកម្មការឯករាជ្យ ស៊ើបអង្កេតអំពីភាពមិនប្រក្រតីនៃការបោះឆ្នោត តាមការទាមទាររបស់គណបក្សប្រឆាំងតាំងពីដើមទីរៀងមក និង២-គណបក្សកាន់អំណាចមិនព្រមប្រគល់អំណាចស្ថាប័នណាមួយក្នុងចំណោមស្ថាប័នទាំង២ "រដ្ឋសភា និងរាជរដ្ឋាភិបាល"ឲ្យគណបក្សប្រឆាំងកាន់កាប់ ជាពិសេសតំណែងជាប្រធានរដ្ឋសភា និងគណៈកម្មការជំនាញមួយចំនួនទៀតរបស់រដ្ឋសភា ក្នុងស្ថានការណ៍បណ្តោះអាសន្ន រង់ចាំការស៊ើបអង្កេតលើភាពមិនប្រក្រតីនៃការបោះឆ្នោតបានចប់សព្វគ្រប់ ។
ដោយឡែក ថ្នាក់ដឹកនាំគណបក្សកាន់អំណាច បានអះអាងថា តំណាងរាស្ត្រគណបក្សប្រឆាំងមិនព្រមបោះបង់ចោលសុពលភាពរបស់ខ្លួនជាសមាជិករដ្ឋសភាទេ ប៉ុន្តែក៏មិនព្រមធ្វើសច្ចាប្រណិធានចូលកាន់មុខតំណែង ដោយសារតែការទាមទារនូវបុព្វសិទ្ធិ និងប្រាក់បៀវត្សរ៍ទៅវិញ ។
ទោះជាយ៉ាងណាក៏ដោយ ថ្នាក់ដឹកនាំគណបក្សកាន់់អំណាច បានអះអាងដែរថា ក្នុងន័យសម្បទាន និងការផ្សះផ្សាជាតិ គណបក្សកាន់អំណាចអាចនឹងលៃលកមុខតំណែងជាអនុប្រធានរដ្ឋសភា និងប្រធាន អនុប្រធានគណៈកម្មការជំនញមួយចំនួនកក្នុងរដ្ឋសភាជូនគណបក្សប្រឆាំង ប្រសិនបើអ្នកតំណាងរាស្ត្រគណបក្សប្រឆាំងស្ម័គ្រចិត្តចូលមកកាន់មុខតំណែងក្នុងរដ្ឋសភា ។
គិតទៅដល់ថ្ងៃទី២៣ ខែតុលា ឆ្នាំ២០១៣ខាងមុខ ដែលជាថ្ងៃគណបក្សប្រឆាំងប្រកាសធ្វើមហាបាតុកម្មដាក់ញត្តិជូនអង្គការសហប្រជាជាតិ និងប្រទេសហត្ថលេខីនៃកិច្ចព្រមព្រៀងសន្តិភាពទីក្រុងប៉ារីសស្តីពីកម្ពុជា ថ្ងៃ២៣ តុលា១៩៩១ដោយអះអាងថា ទាមទាររកយុត្តិធម៌ជូនប្រជាពលរដ្ឋជាម្ចាស់ឆ្នោតនោះ គឺមានរយៈពេលមួយខែគត់ ដែលអ្នកតំណាងរាស្ត្រគណបក្សប្រឆាំងចំនួន៥៥រូបមិនព្រមធ្វើសច្ចាប្រណិធានចូលកាន់មុខតំណែងជាមួយអ្នកតំណាងរាស្ត្រគណបក្សកាន់អំណាច។
បច្ចុបន្ន ថ្នាក់ដឹកនាំគណបក្សប្រឆាំង កំពុងប្រឹងប្រែងស្វះស្វែងធ្វើនយោបាយការទូត ទាមទារឲ្យមជ្ឈដ្ឋានអន្តរជាតិកុំទទួលស្គាល់រាជរដ្ឋាភិបាលកម្ពុជា នីតិកាលទី៥នៃរដ្ឋសភា ដឹកនាំដោយគណបក្សកាន់អំណាច និងទាមទារឲ្យមានការព្យួរអាសនៈប្រទេសកម្ពុជានៅអង្គការសហប្រជាជាតិ ដោយគណបក្សប្រឆាំងអះអាងថា រដ្ឋសភា និងរាជរដ្ឋាភិបាលអាណត្តិទី៥ដែលកើតឡើងកាលពីថ្ងៃទី២៣-២៤ខែកញ្ញា ឆ្នាំ២០១៣កន្លងមកជាការខុសច្បាប់ ។
ជាមួយគ្នានេះ គណបក្សកាន់អំណាចហាក់មិនសូវខ្វល់នឹងសកម្មភាពតវ៉ារបស់គណបក្សប្រឆាំងទេ ប៉ុន្តតែបន្តព្យាយាម "អន្ទង"អ្នកតំណាងរាស្ត្រគណបក្សប្រឆាំងឲ្យមកចូលកាន់តំណែងក្នុងរដ្ឋសភា ដោយគណបក្សកាន់អំណាចសន្យានឹងធ្វើសម្បទាន មុខតំណែងក្នុងរដ្ឋសភាមួយចំនួនជូនអ្នកតំណាងរាស្ត្រគណបក្សប្រឆាំង ។
សំណួរមួយចំនួនត្រូវបានចោទសួរដូចតទៅ ៖ ១-តើអ្នកតំណាងរាស្ត្រគណបក្សប្រឆាំងទាំង៥៥រូបអាចស៊ូទ្រាំមិនចូលកាន់មុខតំណែងក្នុងរដ្ឋសភានីតិកាលទី៥ដល់ពេលណា ? តើឥទ្ធិពលរបស់គណបក្សប្រឆាំងអាចធ្វើឲ្យសហគមន៍អន្តរជាតិមិនទទួលស្គាល់រដ្ឋសភា និងរាជរដ្ឋាភិបាលគណបក្សប្រជាជនកម្ពុជាសព្វថ្ងៃ និងឈានទៅសម្រេចព្យួរអាសនៈប្រទេសកម្ពុជានៅអង្គការសហប្រជាជាតិដែរឬទេ ? តើអ្នកតំណាងរាស្ត្រគណបក្សប្រឆាំងព្រមទទួលយកឋានៈ តួនាទី ដែល"ខ្ជាក់ចេញពីមាត់"របស់គណបក្សកាន់អំណាចដែរឬទេ និងតាមវិធីណា ?
មជ្ឈដ្ឋានអ្នកគាំទ្រគណបក្សនយោបាយប្រឆាំងនៅកម្ពុជា ជាពិសេសប្រជាពលរដ្ឋម្ចាស់ឆ្នោតជិត៣លានាក់ បានលើកឡើងថា មុខតំណែង តួនាទីក្នុងស្ថាប័នរដ្ឋសភាសព្វថ្ងៃបានធ្លាក់ចូលទៅក្នុងមាត់អ្នកតំណាងរាស្ត្ររបស់គណបក្សកាន់អំណាចអស់ទៅហើយៗបើអ្នកតំណាងរាស្ត្រគណបក្សប្រឆាំងទៅទទួលយកឋានៈ តួនាទីខ្លះៗទាំងនោះពីគណបក្សកាន់អំណាច ក្រោមរូបមន្តសម្បទាន ឬសិល្បៈនៃការចែករំលែករបស់គណបក្សកាន់អំណាច គឺមានន័យថា អ្នកតំណាងរាស្ត្រគណបក្សប្រឆាំងទទួលបានឋានៈ បុណ្យស័ក្តិ តួនាទីដែល"ខ្ជាក់ចេញពីមាត់"របស់អ្នកតំណាងរាស្ត្រគណបក្សកាន់អំណាចដ៏គួរឲ្យេអៀនខ្មាសបំផុត ៕
Source from: www.dtn7.com
Loading...
Post a Comment