រាជធានីភ្នំពេញ៖នៅទីបំផុតឃាតកដៃឆៅដែលសម្លាប់បុរសខ្ទើយជាស្រីស្នេហ៍របស់ខ្លួននៅក្នុងបន្ទប់ជួលបន្ទាប់ពីដេករួមរ័កជាមួយគ្នាជាង១០ម៉ោងរាជធានីភ្នំពេញ ៖ នៅទីបំផុតឃាតកដៃឆៅ ដែលសម្លាប់បុរសខ្ទើយ ជាស្រីស្នេហ៍របស់ខ្លួន នៅក្នុងបន្ទប់ជួលបន្ទាប់ពីដេក រួមរ័កជាមួយគ្នាជាង ១០ម៉ោង សមត្ថកិច្ចតាមប្រមាញ់ រហូតដល់ស្រុកជើងព្រៃ ខេត្តកំពង់ចាម កាលពីរសៀលថ្ងៃទី ៣០ ខែតុលា ឆ្នាំ២០១៣ ដោយបានរកឃើញ និងដកហូតម៉ូតូ របស់ជនរងគ្រោះ ដែលឃាតកប្លន់យកទៅ ហើយគេជឿថា ជនដៃដល់នឹងត្រូវ ចាប់ខ្លួនក្នុងពេលឆាប់ៗនេះ។
សមត្ថកិច្ចបានឲ្យដឹងថា បន្ទាប់ពីមានករណីឃាតកម្ម ទៅលើបុរសខ្ទើយ ដែលតាំងខ្លួនជាប្រពន្ធ ហើយត្រូវបានបុរសខ្ទើយដូចគ្នា ដែលតាំងខ្លួនជាប្ដី បានសម្លាប់ប្លន់យកម៉ូតូម៉ាកស្មាស់ ពណ៌ខ្មៅ ស៊េរី២០០៧រួចមក សមត្ថកិច្ចក៏បានតាមប្រមាញ់ ហើយបានរកឃើញម៉ូតូ ដែលឃាតកប្លន់យកទៅ ប៉ុន្តែមិនទាន់បានចាប់ខ្លួនជនល្មើសនៅឡើយទេ ខណៈដែលគេជឿថា ជនដៃដល់មានតែ ម្នាក់ឯងប៉ុណ្ណោះ។
ជនសង្ស័យមានឈ្មោះ ម៉ាប់ ដែលជាប្រភេទមនុស្សខ្ទើយដូចគ្នា តាំងខ្លួនជាប្ដី ហើយឈ្មោះ ម៉ាប់ ក៏មានប្រពន្ធឈ្មោះ ហួត សាវ៉ៃ អាយុ ២៩ឆ្នាំ ជាកម្មកររោងចក្រ ប៉ុន្តែរស់នៅផ្សេងគ្នា។ សូមរំលឹកថា ដោយសារភ្លើងប្រចណ្ឌ ប្រុសខ្ទើយតែងខ្លួនជាស្រី ត្រូវបានប្រុសខ្ទើយជាប្តី សម្លាប់នៅក្នុងបន្ទប់ជួលរបស់ខ្លួន បន្ទាប់ពីបានដេករួមរ័កគ្នា តាំងពីថ្ងៃត្រង់រហូតដល់ម៉ោង១៩ យប់ថ្ងៃទី២៧ ខែតុលា ឆ្នាំ២០១៣ ក្នុងភូមិឫស្សីសង្កាត់ស្ទឹងមានជ័យ ខណ្ឌមានជ័យ។
ជនរងគ្រោះមានឈ្មោះ ភឿន សុភ័ក្ត្រ ភេទប្រុស អាយុ ៣២ឆ្នាំ ជាកម្មកររោងចក្រកាត់ដេនីវ៉េ មានស្រុកកំណើត នៅខេត្តកំពង់ចាម។ នៅលើសពមានស្នាមជាំលើថ្ងាស ដែលរងដោយវត្ថុរឹង និងមានស្នាមជាំបំពង់ក ដែលគេសន្និដ្ឋានថា ឃាតកបានច្របាច់ចំបំពង់ខ្យល់។ ជនរងគ្រោះនិងជនសង្ស័យ មានទំនាស់នឹងគ្នា ដោយសារតែឈ្មោះម៉ាប់ ប្រុងទៅដេកជាមួយ បុរសខ្ទើយម្នាក់ទៀត ដែលធ្វើឲ្យជនរងគ្រោះ មានការប្រចណ្ឌឈ្លោះប្រកែកគ្នា ឈានដល់ការច្របាច់កសម្លាប់៕
Source from: watphnom-news.com
Loading...
Post a Comment