ខេត្តបន្ទាយមានជ័យ៖អ្នករត់រថយន្តឈ្នួលម្នាក់ត្រូវជនសង្ស័យចំនួន៣នាក់ប្រើកាំបិតកាប់និងវាយទៅលើជនរងគ្រោះដើម្បីប្លន់យករថយន្តបន្ទាប់ពីជួលជិះពី ខេត្តបន្ទាយមានជ័យ ៖ អ្នករត់រថយន្តឈ្នួលម្នាក់ ត្រូវជនសង្ស័យចំនួន៣នាក់ ប្រើកាំបិតកាប់ និងវាយទៅលើជនរងគ្រោះ ដើម្បីប្លន់យករថយន្ត បន្ទាប់ពីជួលជិះពី ក្រុងប៉ោយប៉ែត ខេត្តបន្ទាយមានជ័យ ទៅខេត្តបាត់ដំបង ហើយនៅពេលមកដល់ស្រុកម៉ាឡៃ ដែលជាកន្លែងស្ងាត់ ក៏ចាប់ផ្តើមធ្វើសកម្មភាព កាលពីវេលាម៉ោងជិត ៩យប់ ថ្ងៃទី១៩ ខែតុលា ឆ្នាំ២០១៣ ស្ថិតនៅតាម ផ្លូវជាតិលេខ៥ ក្នុងស្រុកម៉ាឡៃ ខេត្តបន្ទាយមានជ័យ។
ជនរងគ្រោះមានឈ្មោះ ឌីណា អាយុជាង ៣០ឆ្នាំ រស់នៅ ខេត្តបាត់ដំបង មានមុខរបរ ជាអ្នករត់រថយន្តឈ្នួល បានរងរបួសធ្ងន់ ដោយសារតែក្រុមចោរប្លន់ទាំងនោះ បានធ្វើសកម្មភាពវាយ និងកាប់។ មុនពេលកើតហេតុ ជនសង្ស័យបានជួលរថយន្ត របស់ជនរងគ្រោះម៉ាក កាម៉ារីឆ្លាម ពណ៌ទឹកប្រាក់ ពាក់ស្លាកលេខ ភ្នំពេញ 2Q-6155 ពីក្រុងប៉ោយប៉ែត ទៅខេត្តបាត់ដំបង លុះពេលធ្វើដំណើរ ដល់កន្លែងស្ងាត់ ស្រាប់តែជនសង្ស័យ បានចាប់វាយនិងចាក់ មកលើជនរងគ្រោះតែម្តង។
តែសំណាងល្អជនរងគ្រោះដឹងទាន់ បានស្រែកនាំឲ្យមានការភ្ញាក់ផ្អើល ដល់ប្រជាពលរដ្ឋ ដែលរស់នៅ តំបន់នោះ ចេញមកជួយអន្តរាគមន៍ ហើយប្តឹងទៅសមត្ថកិច្ច ជាហេតុធ្វើឲ្យជនសង្ស័យទាំង ៣នាក់ រត់ចូលព្រៃអស់ ។ ក្រោយពីមានករណីនេះកើតឡើង សមត្ថកិច្ចបានចុះជួយ អន្តរាគមន៍ភ្លាមៗ ជួយសង្គ្រោះជនរងគ្រោះ និងយករថយន្តមកវិញ ខណៈជនសង្ស័យទាំងនោះ ស្ថិតនៅក្រោមការតាមចាប់ខ្លួន យ៉ាងយកចិត្តទុកដាក់៕
Source from: watphnom-news.com
Loading...
Post a Comment