រាជធានីភ្នំពេញ៖អ្នកនាងឈិនចាន់សុរ៉ាវី ជាតារាចម្រៀងដែលមានទុក្ខប៉ុនភ្នំដោះស្រាយមិនចេញក៏សម្រេចចិត្តចង.កសម្លាប់ខ្លួនរាជធានីភ្នំពេញ ៖ អ្នកនាង ឈិន ចាន់សុរ៉ាវី ជាតារាចម្រៀងដែលមានទុក្ខប៉ុនភ្នំ ដោះស្រាយមិនចេញក៏សម្រេចចិត្ត ចង.កសម្លាប់ខ្លួន នៅក្នុងបន្ទប់ឡៅតឿ ក្នុងផ្ទះរបស់ខ្លួន កាលពីវេលាម៉ោង ៧និង៣០ នាទីយប់ថ្ងៃទី១៤ ខែវិច្ឆិកា ឆ្នាំ២០១៣ នៅចំណុចផ្ទះល្វែង លេខ២១៤ ក្នុងបូរីពិភពថ្មី ភូមិក្រាំងអង្ក្រង សង្កាត់ក្រាំងធ្នង់ ខណ្ឌពោធិ៍សែនជ័យ បើតាមប្រភពព័ត៌មាន ដំបូងបានបង្ហើបថា អាចបណ្តាលមកពីរឿងទំនាស់ ស្នេហាលួចលាក់ ជាមួយមន្ត្រីយោធាម្នាក់ ថ្នាក់ឧត្តមសេនីយ៍ត្រី។
ក្រោយការស្លាប់ គេរកឃើញលិខិតមួយច្បាប់ ដែលអ្នកនាង ឈិន ចាន់សុរ៉ាវី បានបន្សល់ទុក ដោយសរសេរពាក្យពេជន៍ មួយចំនួនដូចជា " ខ្ញុំមិនលើកលែងឲ្យអ្នកណា ដែលជាន់ឈ្លី និងកុហកខ្ញុំឡើយ ។ អ្នកណាធ្វើបាបខ្ញុំ ខ្ញុំនឹង…ឲ្យ…ខ្ញុំមិនលើកលែងឲ្យ អ្នកណាជាដាច់ខាត " ។ ដោយឡែកប្រជាពលរដ្ឋរស់នៅជិតខាង ក៏បានបង្ហើបឲ្យដឹងថា គេឃើញតារាចម្រៀង ឈិន ចាន់សុរ៉ាវី មានទំនាក់ទំនងស្នេហាលួចលាក់ ជាមួយឧត្តមសេនីយ៍យោធាម្នាក់នោះ ជាយូរខែណាស់មកហើយ គេតែងតែឃើញ ឧត្តមសេនីយ៍យោធាម្នាក់នោះ ចេញចូលផ្ទះអ្នកនាង ឈិន ចាន់សុរ៉ាវី ញឹកញាប់ណាស់ មិនសូវលោះពេលឡើយ។
ក្រោយមក មិនដឹងជាមានរឿងអ្វីទេ គេបានឮអ្នកទាំងពីរឈ្លោះប្រកែកគ្នា ជាញឹកញាប់ ដឹងឮដល់អ្នកជិតខាង ប៉ុន្តែក្រុមគ្រួសារជនរងគ្រោះ បានព្យាយាមលាក់លៀម អត្តសញ្ញាណ មន្ត្រីយោធាម្នាក់នោះ មិនដឹងជាមានរឿងអាថ៌កំបាំងអ្វីទេ។ អ្នកនាង ឈិន ចាន់សុរ៉ាវី មានទឹកមុខស្រពាប់ស្រពោន ទំនងជាពិបាកចិត្តយ៉ាងខ្លាំង រហូតដល់ព្រឹកថ្ងៃទី១៣ ខែវិច្ឆិកា កន្លងទៅនេះ អ្នកនាង ឈិន ចាន់សុរ៉ាវី បានបើករថយន្ដរបស់ខ្លួនចេញទៅខាងក្រៅ ហើយបានបុកបាក់បង្គោលភ្លើង តាមចិញ្ចើមផ្លូវអស់មួយដើម ប៉ូលិសបានស្ទូចរថយន្តនោះ យកទៅទុកនៅស្នងការដ្ឋាន ប៉ូលិសរាជធានីភ្នំពេញ រង់ចាំដោះស្រាយតាមច្បាប់។
ក្រុមគ្រួសារក៏បានប្រាប់ សមត្ថកិច្ចទៀតថា នៅថ្ងៃកើតហេតុ គេក៏បានឮអ្នកនាង ឈិន ចាន់សុរ៉ាវី ឈ្លោះប្រកែកគ្នាតាមទូរសព្ទ័ យ៉ាងយូរជាមួយបុរសជាគូកំណាន់ មិនដឹងថាមានរឿងអ្វីនោះទេ ហើយនៅវេលាល្ងាចថ្ងៃដដែល ស្ដ្រីរងគ្រោះបានបណ្ដេញ សមាជិកគ្រួសារចំនួន ៣ នាក់ឲ្យចាកចេញពីផ្ទះ ដោយមិនដឹងមូលហេតុ។ អ្នកនាង ឈិន ចាន់សុរ៉ាវី បានសម្ងំនៅក្នុងផ្ទះតែម្នាក់ឯង ដោយបានបិទទ្វារ ខ្ទាស់គន្លឹះពីខាងក្នុង មិនឲ្យអ្នកណាចូលឡើយ ហើយនាងបានផឹកស្រាបៀរអស់ ៤ កំប៉ុងនិងស្រាបារាំង អស់មួយចំនួនទៀតផង។
រហូតមកដល់ម៉ោង ៧និង៣០ នាទីយប់ សាច់ញាតិដែលត្រូវ នាងបណ្ដេញចេញ បានមកគោះទ្វារហៅឲ្យនាងបើក តែមិនឮសូរសំឡេងឆ្លើយតប ទើបពួកគេមានការសង្ស័យ ក៏សម្រចចិត្តវាយកញ្ចក់ទ្វារបំបែក ហើយដកគន្លឹះស្ទុះចូល ទៅក្នុងបន្ទប់របស់នាង ក៏ឃើញនាងចង.ក សម្លាប់ខ្លួនបាត់ទៅហើយ។ ភ្លាមៗនោះសាច់ញាតិ បានប្រាប់សមត្ថកិច្ច ឲ្យមកពិនិត្យនិងធ្វើ កោសលវិច័យ នៅកន្លែងកើតហេតុ ហើយបានសន្និដ្ឋានថា អ្នកនាង ឈិន ចាន់សុរ៉ាវី បានស្លាប់ដោយចង.ក ធ្វើអត្តឃាត ហើយកំពុងបន្តស្វែងរកមូលហេតុ នៃការស្លាប់ដ៏អាថ៌កំបាំងមួយនេះ៕
Source from: watphnom-news.com
Loading...
Post a Comment