រាជធានីភ្នំពេញ៖យុវជនម្នាក់រងរបួសបាក់ជើងម្ខាងនិងបែកមុខបែកមាត់ហើយពីរនាក់ទៀតពុំមានរងរបួសនោះទេដោយសារជិះម៉ូតូមួយគ្រឿងឌុបគ្នាក្នុងល្បឿនលឿនទៅបុកឡានឡិចស៊ីសមួយទំហឹងរាជធានីភ្នំពេញ ៖ យុវជនម្នាក់រងរបួសបាក់ជើងម្ខាង និងបែកមុខបែកមាត់ ហើយពីរនាក់ទៀតពុំមានរងរបួសនោះទេ ដោយសារជិះម៉ូតូមួយគ្រឿង ឌុបគ្នាក្នុងល្បឿនលឿន ទៅបុកឡានឡិចស៊ីសមួយទំហឹង កាលពីវេលាម៉ោង ១០និង១០ នាទីយប់ថ្ងៃទី០៣ ខែវិចិកា ឆ្នាំ២០១៣ ស្ថិតនៅខាងមុខព្រលាន យន្តហោះអន្តរជាតិភ្នំពេញ ក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះមានឈ្មោះ លឹម តិចគា អាយុ ២៦ឆ្នាំរស់នៅក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ មានស្រុកកំណើតនៅឃុំមៀន ស្រុកព្រៃឈរ ខេត្តកំពង់ចាម រងរបួសបាក់ជើងខាងស្តាំម្ខាង និងបែកមុខបែកមាត់ សន្លប់ឈឹងនៅនឹងកន្លែង ជិះម៉ូតូមួយគ្រឿង ម៉ាកសេ១២៥ ស៊េរីឆ្នាំ២០១២ ពណ៌ខ្មៅ ពាក់ស្លាកលេខភ្នំពេញ ១BM ០៨៦២ រីឯរថយន្តដែលត្រូវម៉ូតូបុកនោះ ម៉ាកឡិចស៊ីស RX៣០០ ពណ៌ស្ករ ពាក់ស្លាកលេខ ភ្នំពេញ ២L ៧០១៨ អ្នកបើកបរពុំត្រូវបាន គេស្គាល់ឈ្មោះនោះទេ ។
មុនពេលកើតហេតុរថយន្តបានបើកបរ ក្នុងទិសដៅពីកើតទៅលិច លុះដល់ចំណុចកើតហេតុ រថយន្តបានឈប់ស្តុប ក៏ស្រាប់តែម៉ូតូដែលឌុបគ្នាបីនាក់ ជិះក្នុងល្បឿនលឿនជ្រុលទៅបុក ពីក្រោយយ៉ាងពេញទំហឹង បណ្តាលឲ្យដួលបោកទៅនឹងថ្នល់ រងរបួសធ្ងន់សន្លប់នៅនឹងកន្លែងកើតហេតុ។ រីឯអ្នករួមដំណើរពីនាក់ទៀត បានគេចខ្លួនបាត់ ហើយជនរងគ្រោះ ត្រូវបានបញ្ជូនទៅកាន់ មន្ទីរពេទ្យព្រះកុសមៈ ហៅមន្ទីរពេទ្យលោកសង្ឃ ដើម្បីជួយសង្គ្រោះអាយុជីវិត ចំណែករថយន្តនិងម៉ូតូ ត្រូវយកទៅរក្សាទុក នៅអធិការដ្ឋានខណ្ឌពោធិ៍ជ័យ ដើម្បីរង់ចាំដោះស្រាយគ្នាជាក្រោយ៕
Source from: watphnom-news.com
Loading...
Post a Comment