រាជធានីភ្នំពេញ៖ក្មេងស្ទាវមួយក្រុមពេលចេញពីផឹកស៊ីស្រវឹងធ្លាក់ភ្នែកបានបើករថយន្តប្រដេញគ្នាចុះឡើងស្រាប់តែម្ចាស់រថយន្តម៉ាកVistosបួងចង្កូតមិនទាន់ក៏ជ្រុលទៅបុករាជធានីភ្នំពេញ ៖ ក្មេងស្ទាវមួយក្រុម ពេលចេញពីផឹកស៊ីស្រវឹងធ្លាក់ភ្នែក បានបើករថយន្តប្រដេញគ្នា ចុះឡើងស្រាប់តែម្ចាស់រថយន្តម៉ាក Vistos បួងចង្កូតមិនទាន់ក៏ជ្រុលទៅបុក ដើមត្របែកព្រៃមួយទំហឹង កាលពីវេលាម៉ោង ៣ទៀបភ្លឺថ្ងៃទី៤ ខែវិច្ឆិកា ឆ្នាំ២០១៣ នៅចំណុចមុខផ្ទះលេខ៩៥ Eo តាមបណ្តោយផ្លូវលេខ១៥៤ ស្ថិតក្នុងក្រុមទី៤១ ភូមិទី៩ សង្កាត់ជ័យជំនះ ខណ្ឌដូនពេញ តែ សំណាងល្អអ្នករួមដំណើរក្នុងរថយន្តនោះ មិនគ្រោះថ្នាក់ធ្ងន់ធ្ងរនោះទេ។
មុនពេលកើតហេតុ គេឃើញរថយន្តម៉ាក Vistos ពណ៌ស ពាក់ស្លាកលេខភ្នំពេញ 2P-3765 បើកបរនិងរួមដំណើរដោយ ក្មេងស្ទាវមួយក្រុម មានគ្នា ៤នាក់ ក្នុងស្ថានភាពស្រវឹងធ្លាក់ភ្នែក បានបើករថយន្តប្រដេញគ្នាយ៉ាងលឿន ជាមួយរថយន្តមួយគ្រឿងទៀត ម៉ាកកូរ៉ូឡា តាមបណ្តោយ ផ្លូវលេខ១៥៤ ក្នុងទិសដៅពីលិចទៅកើត។
លុះមកដល់ចំណុចកើតហេតុ ប្រហែលជាភ្លាត់ស្នៀត ស្រាប់តែរថយន្ត Vistos ជ្រុលទៅបុកដើមត្របែកព្រៃ នៅចិញ្ចើមផ្លូវទាំងកំរោលតែម្តង។ ក្រុមអ្នកជិះរថយន្តបង្ក បានព្យាយាមលើករថយន្ត ដែលកៀបជាប់ ដើមត្របែកព្រៃក្នុងបំណងបើករត់ តែត្រូវសមត្ថកិច្ចកងរាជអាវុធហត្ថ ចុះមកដល់ធ្វើការអន្តរាគមន៍ បានទាន់ពេលវេលា៕
Source from: watphnom-news.com
Loading...
Post a Comment