ខេត្តពោធិ៍សាត់៖គ្រោះថ្នាក់ចរាចរដ៏រន្ធត់មួយបង្កឡើងដោយរថយន្តយីឌុបដឹកផ្លែស្វាយបានបើកបុកម៉ូតូពីក្រោយបណ្ដាលឲ្យឪពុកនិងកូន៤នាក់ខេត្តពោធិ៍សាត់ ៖ គ្រោះថ្នាក់ចរាចរដ៏រន្ធត់មួយ បង្កឡើងដោយរថយន្តយីឌុប ដឹកផ្លែស្វាយបានបើកបុកម៉ូតូពីក្រោយ បណ្ដាលឲ្យឪពុកនិងកូន ៤ នាក់ រមូរជាមួយម៉ូតូចូលក្រោមរថយន្ត អូសប្រមាណ ៣០ ម៉ែត្រ រហូតទាល់តែរថយន្តបង្ក រេចង្កូតទៅខាងស្តាំដៃធ្លាក់ស្រែ ដោយកូនទាំងពីរ ចូលក្រោមរថយន្ត ឯឪពុកកៀបជាប់ នឹងដើមទ្រូងក្បាលចេញមកក្រៅ មើលទៅគួរឲ្យព្រឺក្បាលខ្លាំងណាស់ ប៉ុន្តែជនរងគ្រោះទាំង ៤ នាក់គ្រាន់តែរងរបួសធ្ងន់ពីរនាក់ និងរបួសស្រាលម្នាក់ប៉ុណ្ណោះ គ្មាននរណាបាត់បង់អាយុជីវិតនោះទេ។
ហេតុការណ៍ដ៏គួរឲ្យរន្ធត់នេះ បានកើតឡើងកាលពីវេលាម៉ោង ៨និង១៥ នាទីថ្ងៃទី១៨ ខែវិច្ឆិកា ឆ្នាំ២០១៣ នៅលើផ្លូវជាតិលេខ៥ ចន្លោះគីឡូម៉ែត្រលេខ ១៥៦ និងលេខ១៥៧ ស្ថិតក្នុងភូមិ ប៉បិត ឃុំអន្លង់ត្នោត ស្រុកក្រគរ ខេត្តពោធិ៍សាត់។ មុនពេលកើតហេតុ រថយន្ដយីឌុប ពាក់ស្លាកលេខ ព្រះសីហនុ ៣A-១៤៤៥ បានបើកពីក្រោយ ម៉ូតូជនរងគ្រោះហើយទំនងជា តៃកុងងងុយដេកស្រាប់តែ រថយន្តបានរេចង្កូត ទៅបុកម៉ូតូគុប៩០ ដែលជិះគ្នា ៤ នាក់ រមូរទាំងមនុស្សនិងម៉ូតូ អូសជាង ៣០ ម៉ែត្រ ចូលក្រោមរថយន្ដ រហូតទាល់តែ រេចង្កូតធ្លាក់ចូលស្រែ។
ក្រោយពេលកើតហេតុ ប្រជាពលរដ្ឋ និងក្រុមគ្រួសារជនរងគ្រោះ បាននាំគ្នាស្រែកយ៉ាងខ្លាំង ព្រោះគ្មាន សង្ឃឹមថា ជនរងគ្រោះទាំង ៤ នាក់មានជីវិតនោះទេ។ មួយសន្ទុះក្រោយមក គេឃើញជនរងគ្រោះឈ្មោះ ចាម ភេទប្រុស អាយុ ៤៧ ឆ្នាំ ដែលជាប់ក្រោមរថយន្ដ ក្បាលចេញក្រៅ បានរងរបួសធ្ងន់ ដោយសារបានម៉ូតូកល់ខាងមុខ ទើបនាំគ្នាជួយគាស់យកចេញ។ ពេលនោះក៏មានឮសំឡេងក្មេងៗប្រុសស្រី ៣ នាក់នៅខាងក្រោមរថយន្ដ ស្រែកយំឱ្យជួយទើបអ្នកភូមិ នាំគ្នាគាស់រថយន្ដយកចេញមកទាំង ៣ នាក់ ដោយពួកគេគ្រាន់តែរងរបួសស្រាលប៉ុណ្ណោះ៕
Source from: watphnom-news.com
Loading...
Post a Comment