រាជធានីភ្នំពេញ៖និស្សិតម្នាក់ត្រូវបានម្ចាស់ហាងលក់ទូរស័ព្ទឃាត់ខ្លួនប្រគល់ឲ្យនគរបាលខណ្ឌសែនសុខខណៈដែលទៅទិញទូរស័ព្ទដៃទំនើបម៉ាកសាំសុងរាជធានីភ្នំពេញ ៖ និស្សិតម្នាក់ត្រូវបាន ម្ចាស់ហាងលក់ទូរស័ព្ទឃាត់ខ្លួន ប្រគល់ឲ្យនគរបាល ខណ្ឌសែនសុខ ខណៈដែលទៅទិញទូរស័ព្ទដៃទំនើប ម៉ាកសាំសុង មួយគ្រឿង និយាយត្រូវថ្លៃគ្នា ប៉ុន្តែគ្មានលុយឲ្យ បែកគំនិតយកទូរស័ព្ទ ប្រុងជិះគេចខ្លួនបង្កឲ្យមានការភ្ញាក់ផ្អើល កាលពីវេលាម៉ោង ១និង៣០ នាទីរសៀលថ្ងៃទី២៣ ខែវិច្ឆិកា ឆ្នាំ២០១៣ នៅហាងលក់ទូរស័ព្ទ តាមបណ្តោយផ្លូវ២០១១ ក្នុងភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ។
និស្សិតដែលបន្លំយកទូរស័ព្ទដៃនោះ មានឈ្មោះ សុខ ឯករាជ្យ ភេទប្រុស អាយុ ១៩ឆ្នាំ មានទីលំនៅភូមិក្រាំងអង្រង សង្កាត់ក្រាំងធ្នង់ ខណ្ឌពោធិ៍សែនជ័យ ។ ចំណែកជនរងគ្រោះ ជាម្ចាស់ទូរស័ព្ទមានឈ្មោះ តាន់ សូយទ្រី ភេទប្រុស អាយុ ២៥ឆ្នាំ មុខរបរលក់ដូរទូរស័ព្ទ មានទីលំនៅកន្លែង កើតហេតុខាងលើ ។ ទូរស័ព្ទដែលជនសង្ស័យ ប្រុងលួចទៅនោះម៉ាកសាំសុង កាឡាក់ស៊ី ពណ៌ស ។
មុនពេលកើតហេតុ ជនសង្ស័យខាងលើនេះបានជិះម៉ូតូ ម៉ាកស្គូពីពណ៌ស ១ គ្រឿង ពាក់ស្លាកលេខភ្នំពេញ 1BL-4893 តែម្នាក់ឯង មកឈប់នៅមុខហាងលក់ទូរស័ព្ទ ហើយបានតថ្លៃទូរស័ព្ទ មួយគ្រឿង ដោយមើលចុះមើលឡើង ស្រាប់តែជនសង្ស័យ យកទូរស័ព្ទនោះ រត់ឡើងម៉ូតូព្យាយាមជិះម៉ូតូគេចខ្លួន តែត្រូវជនរងគ្រោះ ស្រែកឆោឡោយកម៉ូតូដេញ ឃាត់ខ្លួនបានភ្លាមៗ ៕
Source from: watphnom-news.com
Loading...
Post a Comment