រាជធានីភ្នំពេញ៖ស្រីស្អាតម្នាក់តែអន់ចរិតបានបើកឡានឡិចស៊ីសដ៏ទំនើបកៀរម៉ូតូមួយគ្រឿងកាលពីវេលាម៉ោង៣រាជធានីភ្នំពេញ ៖ ស្រីស្អាតម្នាក់តែអន់ចរិត បានបើកឡាន ឡិចស៊ីសដ៏ទំនើប កៀរម៉ូតូមួយគ្រឿង កាលពីវេលាម៉ោង ៣ រសៀលថ្ងៃទី១៦ ខែវិច្ឆិកា ឆ្នាំ២០១៣ នៅមុខបុរីពិភពថ្មី ផ្លូវ២១៧ ភូមិម័ល សង្កាត់-ខណ្ឌដង្កោ បណ្តាលឲ្យស្ត្រីម្នាក់ រងរបួសដេកនៅលើចិញ្ចើមផ្លូវ ហើយមិនព្រមចេញពីក្នុងរថយន្ត មកមើល ជនរងគ្រោះទេ បែរជាទូរស័ព្ទហៅគូកន មកជួយអន្តរាគមន៍ សូម្បីតែសមត្ថកិច្ច ចុះទៅវាស់វែង និងសួរនាំក៏ស្រីស្អាតរូបនេះ មិនសហការដែរ ។
ជនរងគ្រោះមានឈ្មោះ សឹម វ័យ ភេទប្រុស អាយុ ៣៨ឆ្នាំ រងរបួសស្រាល ជាអ្នកឌុបនិងប្រពន្ធឈ្មោះ វ៉ា សុភាព អាយុ ៣៣ ឆ្នាំ រងរបួសធ្ងន់ ពួកគេមានទីលំនៅ ក្នុងភូមិបឹងខ្យាង ឃុំបឹងខ្យាង ស្រុកកណ្តាលស្ទឹង ខេត្តកណ្តាល ជិះម៉ូតូម៉ាកស្មាស់ ពណ៌ខៀវ ពាក់ស្លាកលេខ កណ្តាល 1A-8964។ ចំណែកស្រីស្អាត ជាអ្នកបើបររថយន្តបង្កហេតុ មិនត្រូវបានស្គាល់ ឈ្មោះនោះទេ តែគ្រាន់តែដឹងថា មានទីលំនៅក្នុងបុរីពិភពថ្មី សង្កាត់-ខណ្ឌដង្កោ បើករថយន្តម៉ាកឡិចស៊ីស GS300 ពណ៌ស ពាក់ស្លាកលេខ ភ្នំពេញ 2W-9970 ធ្វើដំណើរស្របទិសគ្នា។
មុនពេលកើតហេតុ គេឃើញម៉ូតូរបស់ជនរងគ្រោះ ពីរនាក់ប្តីប្រពន្ធ ធ្វើដំណើរមកពីទិសខាងជើង ដោយឃើញមានដឹកអីវ៉ាន់ផងដែរ ស្រាប់តែរថយន្តបង្កហេតុ ជិះមកពីក្រោយក៏បត់ចូល ក្នុងបុរីពិភពថ្មីដោយមិនបានមើលឆ្វេងស្តាំ ក៏កៀរម៉ូតូបណ្តាលឲ្យដួលតែម្តង។ រូបភាពនេះបង្ហាញថា អ្នកបើកបរឡានទំនើបនោះ គេអាងខ្នងធំសម្បើមណាស់ បើកកៀប្រជាពលរដ្ឋ ឲ្យដួលមានរបួស ប៉ុណ្ណឹងហើយ មិនចុះពីលើរថយន្តទៀត ៕
Source from: watphnom-news.com
Loading...
Post a Comment