ក្រឡាប់​រថយន្ត​ធំ​នៅ​ខេត្តក្រចេះ​សម្លាប់​មនុស្ស​៦​នាក់ និង​រងរបួស​២១​នាក់​

11/20/2013 05:00:00 AM

ប្រភពព័ត៌មានពីខេត្តក្រចេះបានឲ្យដឹងថា នៅវេលាម៉ោងប្រមាណ១០ព្រឹកនាថ្ងៃទី២០ ខែវិច្ឆិកា ឆ្នាំ២០១៣នេះនៅចំណុចភូមិអាញៀន ឃុំស្នួល ស្រុកស្នួល ខេត្តក្រចេះ មានរថយន្តធុនធំដឹកដំឡូងមួយគ្រឿងបើកបរក្នុងល្បឿនលឿនបណ្តាលឲ្យក្រឡាប់សម្លាប់មនុស្សនិងរងរបួសជាច្រើននាក់។

សមត្ថកិច្ចនគរបាលខេត្តក្រចេះ បានប្រាប់ឲ្យដឹងថា រថយន្តដឹកដំឡូងនោះក្រឡាប់ដោយសារដឹកហួសបរិមាណកម្រិតកំណត់ និងបើកបរក្នុងល្បឿនលឿនបណ្តាលឲ្យមនុស្សដែលធ្វើដំណើរលើរថយន្តចំនួន៦នាក់ស្លាប់ ១៧នាក់រងរបួសធ្ងន់ និង៤នាក់រងរបួសស្រាល។ ទោះយ៉ាងណារថយន្តដែលក្រឡាប់នេះមិនធ្វើឲ្យប៉ះពាល់ដល់អ្នកធ្វើដំណើរ និងរថយន្តដទៃទៀតទេ ខណៈដែលរថយន្តនេះដឹកដំឡូងទៅលក់ឲ្យឈ្មួញនៅស្រុកមេមត់ ខេត្តកំពង់ចាម៕

Source from: www.dtn7.com