ខេត្តកណ្តាល៖ក្រុមចោរថ្លើមធំដែលមានបច្ចេកទេសខ្ពស់បាននាំគ្នាផ្លោះរបងចូលក្នុងភូមិគ្រឹះដ៏ធំស្កឹមស្កៃមួយកន្លែងដែលគេដឹងថាជារបស់នាយករដ្ឋបាលសាលាខេត្តកណ្តាលខេត្តកណ្តាល ៖ ក្រុមចោរថ្លើមធំ ដែលមានបច្ចេកទេសខ្ពស់ បាននាំគ្នាផ្លោះរបងចូលក្នុង ភូមិគ្រឹះដ៏ធំស្កឹមស្កៃមួយកន្លែង ដែលគេដឹងថាជា របស់នាយករដ្ឋបាលសាលាខេត្តកណ្តាល ហើយបានគាស់រើ.កកាយ និងទម្លាយទូរដែក យកគ្រឿងអលង្ការនិងលុយប្រមាណ ៧ម៉ឺនដុល្លារ រួចគេចខ្លួនបាត់ ដោយសុវត្ថិភាពដែល ករណីមួយនេះ សមត្ថកិច្ចកំពុងតែ ដុតដៃដើម្បីស្វែងរកតម្រុយ ជនល្មើសនាំមក ដាក់ទោសតាមច្បាប់ ។
សមត្ថកិច្ចបានឲ្យដឹងថា ភូមិគ្រឹះដ៏ស្គឹមស្កៃនោះ ទើបតែសាងសង់រួចថ្មីៗ ស្ថិតក្នុងភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ជារបស់លោក រុយ ធុនលី អាយុ ៥៥ឆ្នាំ ជានាយករដ្ឋបាលសាលាខេត្តកណ្តាល ត្រូវបានក្រុមចោរចូលគាស់បង្អួច និងចូលទៅដាប់ទូរដែក នៅក្នុងបន្ទប់។ នៅថ្ងៃកើតហេតុលោក រុយ ធុនលី និងប្រពន្ធបានចេញ ពីផ្ទះតាំងពីព្រលឹម ហើយរហូតម៉ោង ១២និង៣០ នាទីថ្ងៃត្រង់ ថ្ងៃទី២១ ខែវិច្ឆិកា ឆ្នាំ២០១៣ ទើបត្រលប់មកវិញក៏មានការភ្ញាក់ផ្អើល។
លោក រុយ ធុនលី និងភរិយាបានរកឃើញ មានស្នាមគាស់ទ្វារ និងអារចំរឹងបង្អួច ចូលក្នុងបន្ទប់របស់លោក ហើយក្រុមចោរទាំងនោះ បានយកដែកដាប់ទម្លុះ ទូរដែកយកលុយ និងគ្រឿងអលង្ការ ប្រមាណ ៧ ម៉ឺនដុល្លារ។ សមត្ថកិច្ចបានឲ្យដឹងថា ផ្ទះនោះលោក រុយ ធុនលី ស្នាក់នៅតែជាមួយភរិយា ដោយគ្មានសន្តិសុខ ឬឈ្នួលនៅជាមួយនោះទេ ហើយក្រុមចោរបានផ្លោះ តាមរបងចំហៀងផ្ទះ និងចូលទៅរើរបស់របរនៅក្នុងផ្ទះ ហើយបន្សល់ទុកតែ អង្រែបុកគ្រឿងចំនួនមួយ និងដែកដាប់ ដែលក្រុមចោរប្រើប្រាស់សម្រាប់គាស់ទូរដែក៕
Source from: watphnom-news.com
Loading...
Post a Comment