រាជធានីភ្នំពេញ៖ស្វាមីដ៏កំណាចម្នាក់ទំនងជាប្រចណ្ឌប្រពន្ធវ័យក្មេងរឿងលួចមានសាហាយស្មន់ជាមួយលោកឧត្តមសេនីយ៍ម្នាក់បានដាច់ចិត្តយកកាំបិតចាក់និងអារកសម្លាប់ប្រពន្ធរបស់ខ្លួន រាជធានីភ្នំពេញ ៖ ស្វាមីដ៏កំណាចម្នាក់ ទំនងជាប្រចណ្ឌប្រពន្ធវ័យក្មេង រឿងលួចមានសាហាយស្មន់ ជាមួយលោកឧត្តមសេនីយ៍ម្នាក់ បានដាច់ចិត្តយកកាំបិត ចាក់និងអារកសម្លាប់ប្រពន្ធរបស់ខ្លួន នៅលើគ្រែធ្លាប់រួមដំណេក យ៉ាងសាហាវឃោរឃៅ ហើយរត់គេចខ្លួនបាត់ស្រមោល ទុកសពស្ត្រីរងគ្រោះ ឲ្យនៅជាមួយកូនប្រុសអាយុ ៥ឆ្នាំ យំអោបសពម្តាយក្នុងថ្លុកឈាម។
ជនរងគ្រោះមានឈ្មោះ តេង ចិន្តា អាយុ ២១ឆ្នាំ ត្រូវជនសង្ស័យជាប្តីអារផ្តាច់ ត្រង់បំពង់ក ស្លាប់នៅលើគ្រែ ដោយមានភួយគ្របពីលើ។ សពរបស់នាងត្រូវបាន ប្រជាពលរដ្ឋជិតខាងប្រទះឃើញនៅក្នុងបុរីសូនី ស្ថិតនៅផ្ទះជួលលេខ១២១៥B ផ្លូវ៣៦ ភូមិឫស្សី ក្រុម១៣ សង្កាត់ស្ទឹងមានជ័យ ខណ្ឌមានជ័យ កាលពីព្រឹកថ្ងៃទី៣ ខែវិច្ឆិកា ឆ្នាំ២០០១៣ ហើយសមត្ថកិច្ច បានឲ្យដឹងថា ករណីនេះអាចបង្កឡើងដោយប្តី ឈ្មោះ អាន សឿន អាយុ ៤៥ឆ្នាំ ជាមេការសំណង់ ដែលបានរត់គេចខ្លួន បាត់ពីកន្លែងកើតហេតុ។
ករណីឃាតកម្មអារក សម្លាប់ភរិយាខ្លួនឯង ដោយគ្មានមេត្តាធម៌នេះ គេសង្ស័យផ្តើមចេញពីជម្លោះ ព្រោះរឿងផិតក្បត់។ ប៉ុន្តែសមត្ថកិច្ចមិនទាន់បញ្ជាក់ ពីមូលហេតុប្រាកដអំពី ករណីឃាតកម្មនេះ នៅឡើយទេ ព្រោះកំពុងសាកសួរសាក្សី នៅជុំវិញកន្លែងកើតហេតុ។ យ៉ាងណាក៏ដោយអ្នកជិតខាង បានអះអាងថា គ្រួសារនេះតែងតែកើតមានជម្លោះ និងប្រើអំពើហិង្សា ដោយសារប្តីសង្ស័យភរិយារបស់ខ្លួន ជានារីម៉ាស្សា លួចមានសហាយស្មន់ ជាមួយមន្ត្រីថ្នាក់ឧត្តមសេនីយ៍ម្នាក់។
បុរសជាប្តីឈ្មោះ អាន សឿន បានចេញទៅធ្វើការ នៅប្រទេសថៃ ហើយគ្រួសារមួយនេះមិនសូវចុះសម្រុងគ្នាទេ តែងតែរកាំរកូស។ រហូតដល់ដំណាក់កាលចុងក្រោយ ពេលប្តីដែលជាឃាតក ត្រឡប់មកពីប្រទេសថៃវិញ ក៏កើតការសង្ស័យបង្កទៅជាជម្លោះ រហូតឈានដល់ការសម្លាប់ប្រពន្ធរបស់ខ្លួន ដោយមិនញញើតដៃ។ ដោយឡែកកូនប្រុសស្ត្រីរងគ្រោះ អាយុទើប ៥ឆ្នាំ បានប្រាប់សមត្ថកិច្ចថា ខ្លួនបានឃើញឪពុក ចាក់និងអារកសម្លាប់ម្តាយ ហើយក៏រត់ចេញបាត់ទៅ៕
Source from: watphnom-news.com
Loading...
Post a Comment