ខេត្តរតនគិរី៖អាជ្ញាធរនិងជនជាតិដើមភាគតិចចារ៉ាយនៅស្រុកអូយ៉ាដាវខេត្តរតនគិរីបានឲ្យដឹងថាកាលពីពេល៣-៤ខែមុននេះ ខេត្តរតនគិរី ៖ អាជ្ញាធរនិងជនជាតិដើមភាគតិច ចារ៉ាយនៅស្រុកអូយ៉ាដាវ ខេត្តរតនគិរី បានឲ្យដឹងថា កាលពីពេល៣-៤ ខែមុននេះ គេរកឃើញប្រាសាទ តាណាង ឬប្រាសាទឥដ្ឋក្រហម ដែលមានអាយុកាល រាប់ពាន់ឆ្នាំ មុនសម័យអង្គរ ស្ថិតក្នុងតំបន់ព្រៃដាច់ស្រយាល ជិតព្រំដែនវៀតណាម ហើយជនជាតិចារ៉ាយ បានអះអាងថា វាជាផ្នែកមួយនៃវប្បធម៌របស់ពួកគេ កំពុងស្ថិតនៅលើដី សម្បទានសេដ្ឋកិច្ច របស់ក្រុមហ៊ុន ម៉ែន សារុន។
ក្រុមអ្នកសិក្សាបានបញ្ជាក់ថា ប្រាសាទនេះ អាចសាងសង់នៅ មុនសម័យអង្គរ ជាតំបន់ប្រវត្តិសាស្ត្រថ្មីមួយ ដែលកម្រមាននៅក្នុង ខេត្តរតនគិរី។ ប្រាសាទនោះ មានកម្ពស់ប្រហែល ៥ម៉ែត្រ ស្ថិតក្នុងតំបន់ព្រៃដាច់ស្រយាល ជិតព្រំដែនវៀតណាម ហើយអ្វីដែល អ្នកជំនាញប្រវត្តិសាស្ត្រ និងប្រជាពលរដ្ឋព្រួយបារម្ភ ពីការបាត់បង់រមណីយដ្ឋាន ប្រវត្តិសាស្ត្រមួយនេះ ដោយសារព្រៃមួយចំនួន ជិតបរិវេណប្រាសាទ តាណាង កំពុងត្រូវបានគេកាប់រាន ។
កន្លងមកសង្គមស៊ីវិល និងជនជាតិដើម ភាគតិចមួយចំនួន តែងតែរិៈគន់ថា ការផ្តល់ដីសម្បទានសេដ្ឋកិច្ច របស់រដ្ឋាភិបាល ទៅឲ្យក្រុមហ៊ុនវិនិយោគ ច្រើនប៉ះពាល់ដល់ដីស្រែចំការ ដីកប់ខ្មោចដូនតា និងដីអភិរក្ស ដែលប៉ះពាល់ដល់ ប្រពៃណីរបស់ជនជាតិដើម និងព្រៃសក្ការៈជាដើម។ ទោះជាយ៉ាងណាក៏ដោយ ភាគីក្រុមហ៊ុន និងអាជ្ញាធរពាក់ព័ន្ធ បានសន្យាថា នឹងចាត់វិធានការ ដើម្បីអភិរក្សប្រាសាទ ដែលមានអាយុរាប់ពាន់ឆ្នាំនេះ៕
Source from: watphnom-news.com
Loading...
Post a Comment