រាជធានីភ្នំពេញ៖ម៉ូតូពីរគ្រឿងបានបោលបុកគ្នាបណ្តាលឲ្យមនុស្ស៥នាក់បានរងរបួសធ្ងន់កាលពីវេលាម៉ោង១១និង៤៥ រាជធានីភ្នំពេញ ៖ ម៉ូតូពីរគ្រឿងបានបោលបុកគ្នា បណ្តាលឲ្យមនុស្ស ៥ នាក់បានរងរបួសធ្ងន់ កាលពីវេលាម៉ោង ១១និង៤៥ នាទីថ្ងៃត្រង់ទី១៦ ខែវិច្ឆិកា ឆ្នាំ២០១៣ នៅតាមបណ្ដោយផ្លូវជាតិលេខ៤ មុខភូមិផ្សារកំបូល សង្កាត់កំបូល ខណ្ឌពោធិ៍សែនជ័យត្រូវបានបញ្ជូនទៅសង្គ្រោះ នៅមន្ទីរពេទ្យលោកសង្ឃភ្លាមៗផងដែរ ហើយម៉ូតូទាំង ២ គ្រឿងត្រូវបានយកទៅរក្សាទុក ដើម្បីរងចាំដោះស្រាយបន្ត។
ជនរងគ្រោះដែលរងរបួសធ្ងន់ រួមមាន១-ឈ្មោះ ថា ដា ភេទប្រុស អាយុ ១៨ឆ្នាំ មុខរបរកម្មកររោងចក្រ ជាអ្នកបើកបរ រងរបួសបាក់ឆ្អឹងដងកាំបិតខាងស្ដាំ ទី២-ឈ្មោះ ជួង ផានិត ភេទប្រុស អាយុ ២១ឆ្នាំ មុខរបរកម្មកររោងចក្រ របួសបែកក្បាល ខាងក្រោយ ទី៣-ឈ្មោះ អឿន ជំរឿន ភេទប្រុស អាយុ ១៦ឆ្នាំជាសិស្សថ្នាក់ទី៨ ទាំងបីនាក់ជាបងប្អូន ជីដូនមួយនិងគ្នា ស្នាក់នៅផ្ទះជួលភូមិព្រៃទា សង្កាត់ចោមចៅខណ្ឌពោធិ៍សែនជ័យ មានស្រុកកំណើត នៅភូមិច្បាមន ឃុំកុមារាជា ស្រុកបាទីខេត្តតាកេវ។
ជនរងគ្រោះទាំង ៣ នាក់នេះជិះម៉ូតូម៉ាកហុងដាគុបជ្រុង ហើយភាគីបង្កក៏រងរបួសធ្ងន់ផងដែរទី១-ឈ្មោះ អ៊ុក សុផា ភេទប្រុស អាយុ ២១ឆ្នាំ ជាយោធានៅអង្គភាព៩១១ រងរបួសបែកក្បាលសន្លប់ឈឹង ទី២- ឈ្មោះ ប្រាជ្ញ វាសនា ភេទប្រុស អាយុ២៥ ឆ្នាំជាយោធានៅអង្គភាព៩១១ របួសបាក់កជើងឆ្វេង។ អ្នករបួសទាំងអស់ ត្រូវបញ្ជូនទៅកាន់មន្ទីរពេទ្យព្រះកុសុមៈ ហើយភាគីបង្កជិះម៉ូតូម៉ាក យ៉ាមាហាស៊ីរូសពណ៌ខ្មៅ អត់ស្លាកលេខ។
មុនពេលកើតហេតុភាគីម៉ូតូគុបជ្រុង ជិះគ្នា ៣ នាក់ក្នុងទិសដៅ ពីកើតទៅលិច នៅពេលមកដល់ចំណុចកើតហេតុ ស្រាប់តែ ភាគីម៉ូតូបង្កជាយោធា ជិះគ្នាពីរនាក់បើកឆ្លងផ្លូវ ពីត្បូងទៅជើង ពេលនោះដោយសារបាំង ជាមួយរថយន្តមួយគ្រឿង មើលមិនឃើញក៏ជ្រុល ទៅបុកម៉ូតូជនរងគ្រោះ ពេញមួយទំហឹងបណ្ដាលឲ្យ រងរបួសទាំងអស់គ្នាតែម្ដង៕
Source from: watphnom-news.com
Loading...
Post a Comment