រាជធានីភ្នំពេញ៖រថយន្តដឹកសំបកទឹកបរិសុទ្ធមួយគ្រឿងបានបើកបុកយុវជនមួយក្រុមមានស្រីមានប្រុសជាង១០នាក់ដែលបាននាំគ្នារត់ចេញរាជធានីភ្នំពេញ ៖ រថយន្តដឹកសំបកទឹកបរិសុទ្ធ មួយគ្រឿងបានបើកបុក យុវជនមួយក្រុមមានស្រី មានប្រុសជាង ១០នាក់ ដែលបាននាំគ្នារត់ចេញ ពីក្នុងខារ៉ាអូខេ អូខេចា ដើរឆ្លងថ្នល់យ៉ាងប្រសេចប្រសាចពេញផ្លូវ នៅមុខមជ្ឈមណ្ឌលម៉ូដែន៥ តាមផ្លូវជាតិលេខ៥ សង្កាត់ប្ញស្សីកែវ ខណ្ឌប្ញស្សីកែវ បណ្តាលឲ្យយុវជនម្នាក់ដែលដើរ ក្រោយគេរងរបួសធ្ងន់ ហើយបានស្លាប់នៅមន្ទីរពេទ្យ កាលពីព្រឹកថ្ងៃទី៣ ខែវិច្ឆិកា ឆ្នាំ២០១៣។
មុនពេលកើតហេតុ កាលពីវេលាម៉ោង ១រំលងអធ្រាត្រឈានចូលថ្ងៃទី៣ ខែវិច្ឆិកា ឆ្នាំ២០១៣ អ្នកបើកបររថយន្ត បានទៅដឹកសំបកទឹកបរិសុទ្ធ នៅគីឡូម៉ែត្រលេខ១០ យកទៅក្រុមហ៊ុន ដោយធ្វើដំណើរតាមផ្លូវជាតិលេខ៥ ពីជើងទៅត្បូង មកដល់ចំណុចខាងលើ ស្រាប់តែមានយុវជន មួយក្រុមមានគ្នា ១០នាក់រត់ប្រសាចឆ្លងផ្លូវ ពីលិចទៅកើត ធ្វើឱ្យរថយន្តដែលកំពុង បើកក្នុងល្បឿនលឿនផងនោះ ចាប់ហ្វ្រាំងមិនទាន់ក៏បុកពេញទំហឹង បណ្តាលឲ្យយុវជនម្នាក់ ផ្លោងបោកនឹងកញ្ចក់រថយន្ត របួសធ្ងន់តែម្តង
អ្នកបើករថយន្តមានឈ្មោះ ឡុញ ចាន់ដឿន ភេទប្រុស អាយុ ១៩ឆ្នាំ ជាអ្នកបើកឱ្យក្រុមហ៊ុន USP ដែលមានថៅកែឈ្មោះ អ៊ឹង សុខទ្រី មានទីតាំងនៅផ្ទះលេខ៦១៨ ផ្លូវលេខ៣៦៩ សង្កាត់ព្រែកប្រា ខណ្ឌមានជ័យ ស្នាក់នៅក្រុមហ៊ុន មានស្រុកកំណើតនៅភូមិឆ្កិល ឃុំដំណាក់ចំបក់ ស្រុកអូរសា ក្រុងកែប ត្រូវបានសមត្ថកិច្ចឃាត់ខ្លួន ដើម្បីកសាងសំណុំរឿង តាមនីតិវិធី៕
Source from: watphnom-news.com
Loading...
Post a Comment