ក្រុងប៉ោយប៉ែត៖ដោយសារចាញ់បោកមេខ្យល់នាំទៅរកការងារធ្វើនៅក្នុងទឹកដីថៃតាមច្រករបៀងដោយខុសច្បាប់ពលករចំណាកស្រុកប្រុសស្រីចំនួនក្រុងប៉ោយប៉ែត ៖ ដោយសារចាញ់បោក មេខ្យល់នាំទៅរកការងារធ្វើ នៅក្នុងទឹកដីថៃ តាមច្រករបៀងដោយខុសច្បាប់ ពលករចំណាកស្រុក ប្រុសស្រីចំនួន ៥នាក់ បាននាំគ្នាដើរសុំលុយ ពីប្រជាពលរដ្ឋនៅ តំបន់ជាយដែនប៉ោយប៉ែតកាលពីព្រឹកថ្ងៃទី២៨ ខែវិច្ឆិកាឆ្នាំ២០១៣ ដើម្បីរកសោហ៊ុយ ធ្វើដំណើរវិលត្រឡប់ទៅស្រុកកំណើតវិញ បន្ទាប់ពីពួកគាត់ត្រូវបាន អាជ្ញាធរថៃចាប់បញ្ជូនមកវិញ តាមច្រកប៉ោយប៉ែត កាលពីរសៀលថ្ងៃទី២៧ ខែវិច្ឆិកា កន្លងទៅនេះ ។
ពលករប្រុសស្រីទាំង ៥នាក់នោះរួមមានទី១-ឈ្មោះ សូ សុវណ្ណ ភេទប្រុស អាយុ ៣៦ឆ្នាំ ទី២-ឈ្មោះ វ៉ាន់ សារ៉ាត់ ភេទស្រី ទី៣-ឈ្មោះ ពៅ ខៃ ភេទស្រី អាយុ ៣២ឆ្នាំ ទី៤-ឈ្មោះ នី ឈាន ភេទស្រី អាយុ ៣២ឆ្នាំ និងទី៥-ឈ្មោះផាន់ ណាង ភេទប្រុស អាយុ ៣០ឆ្នាំ ពលករប្រុសស្រីទាំង ៥នាក់នេះ រស់នៅក្នុងភូមិពើក ឃុំដំរិល ស្រុកអូរាំងឪ ខេត្តកំពង់ចាម ។ ពលករទាំងនេះបានចាញ់បោក មេខ្យល់ម្នាក់មានឈ្មោះ ព្រំ ចាន់ថន ភេទប្រុស អាយុជាង ៣០ឆ្នាំរស់នៅភូមិអូរអំបិល ឃុំអូរអំបិល ក្រុងសេរីសោភ័ណ ខេត្តបន្ទាយមានជ័យ ដែលបាននាំពួកគាត់លួចឆ្លងដែន តាមច្រករបៀងមួយកន្លែង នៅក្នុងក្រុងប៉ោយប៉ែត ចូលទៅក្នុងទឹកដីថៃ ដើម្បីរកការងារធ្វើ។
ប្រភពបានបន្តថា មេខ្យល់ឈ្មោះ ព្រំ ចាន់ថន ដែលបាននាំយកពួកគាត់ លួចឆ្លងដែនចូល តាមច្រករបៀង ចូលក្នុងទឹកដីថៃរកការងារធ្វើនោះ បានយកថ្លៃសេវាចំនួន ២ពាន់បាតក្នុងម្នាក់ ហើយបានសន្យាថា នឹងរកការងារល្អ ឲ្យពួកគាត់ធ្វើផងដែរ ។ ដោយឡែកនៅពេលដែល ពួកគាត់ជាពលករទាំងអស់គ្នា ត្រូវបានមេខ្យល់រូបនោះ នាំយកឲ្យទៅធ្វើជា កម្មកររោងចក្រផ្នែកខាង ម៉ាស៊ីនត្រជាក់ មួយកន្លែងនៅក្នុងខេត្តនន់ថាក់បូរី ប្រទេសថៃ បានមួយរយៈពេលខ្លីប៉ុណ្ណោះ ក៏ត្រូវខាងអាជ្ញាធរ មានសមត្ថកិច្ចរបស់ថៃ ចាប់ខ្លួនពួកគាត់ បញ្ជូនមកស្រុកកំណើតវិញ តាមច្រកប៉ោយប៉ែតនេះតែម្តង ។
ពេលមកដល់ទឹកដីខ្មែរ ជាប់ព្រំប្រទល់ក្រុងប៉ោយប៉ែតនេះ ពួកគាត់មិនមានលុយមួយរៀល សម្រាប់ទិញបាយហូបនោះទេ ហើយបានដាច់ចិត្ត នាំគ្នាដើរសុំលុយ សប្បុរសជនទិញបាយហូប និងទុកសម្រាប់ធ្វើសោហ៊ុយ វិលត្រឡប់ទៅស្រុកវិញផងដែរ ។ ជុំវិញបញ្ហាទាំងនេះ ថ្នាក់ដឹកនាំគួរមានវិធានការ ទប់ស្កាត់ឲ្យបានទាន់ពេលវេលា កុំឲ្យក្រុមមេខ្យល់ទាំងអស់នោះ ឆបោកពលរដ្ឋខ្មែរយកទៅ លក់កម្លាំងពលកម្ម ឲ្យថៅកែថៃ តាមតែអំពើចិត្តតទៅទៀត៕ ដោយ ចិន្តា
Source from: watphnom-news.com
Loading...
Post a Comment