រាជធានីភ្នំពេញ៖កូនតុងទីនប្រមាណ១០០នាក់បាននាំគ្នាទៅព័ទ្ធតូបលក់ដូររបស់មេតុងទីនម្នាក់កាលពីវេលាម៉ោង១២និង៣០រាជធានីភ្នំពេញ ៖ កូនតុងទីនប្រមាណ ១០០នាក់បាននាំគ្នា ទៅព័ទ្ធតូបលក់ដូរ របស់មេតុងទីនម្នាក់ កាលពីវេលាម៉ោង ១២និង៣០ នាទីថ្ងៃទី២៨ ខែវិច្ឆិកា ឆ្នាំ២០១៣ នៅផ្សារស៊ិនជូរីផ្លាហ្សា ក្នុងភូមិតាងួន សង្កាត់កាកាប ខណ្ឌពោធិ៍សែនជ័យដោយសង្ស័យថា បានរត់គេចខ្លួន មិនសងបំណុលពួកគេ បន្ទាប់ពីមិនឃើញ ទៅប្រមូលលុយមួយថ្ងៃ ប៉ុន្តែមេតុងទីនរូបនោះនិយាយថា គាត់មិនរត់នោះ ការមិនទៅប្រមូលលុយនោះ គឺដោយសារតែ គាត់ជាប់រវល់ទៅដាក់ ពាក្យបណ្តឹងទៅលើកូនតុងទីន ដែលដេញរួចហើយ មិនព្រមបង់លុយ។
តាមប្រភពព័ត៌មាន ពីកូនតុងទីនបានឲ្យដឹងថា តុងទីនមួយក្បាលនេះ មានសមាជិកចំនួន ៣៥៣នាក់ ក្នុងមួយក្បាល ២ម៉ឺនរៀល ហើយមុននឹងទៅព័ទ្ធតូបលក់ដូរនោះ គឺដោយសារមិនឃើញ មេតុងទីនទៅប្រមូលលុយមួយថ្ងៃ ទើបមានការសង្ស័យថា មេតុងទីនរត់ចោល ទើបនាំគ្នាមកព័ទ្ធតូបលក់ដូរតែម្តងទៅ ។ មេតុងទីនរូបនោះមានឈ្មោះ មុត កុសល់ ភេទប្រុស អាយុ ៤៦ឆ្នាំ មានមុខរបរលក់ដូរ នៅកន្លែងកើតហេតុ រស់នៅក្នុងភូមិបុរី១០០ខ្នង ខណ្ឌសែនសុខ ។
មេតុងទីនបានបញ្ជាក់ថា គាត់មិនរត់ចោលផ្ទះ ទៅណានោះទេ ទោះបីជាយ៉ាងណា គាត់នឹងសងឲ្យទាល់តែរួច តិចតាមតិចច្រើនតាមច្រើន ពីព្រោះគាត់មានផ្ទះមួយខ្នង ដែលអាចលក់យកទៅ សងកូនតុងទីនបានច្រើនដែរ។ ចំពោះការមិនទៅប្រមូល លុយតុងទីនមួយថ្ងៃនោះ គឺដោយសារតែគាត់ជាប់រវល់ ទៅដាក់ពាក្យប្តឹងកូនតុងទីន ដែលបានដេញយកលុយរួចហើយ មិនព្រមបង់លុយឲ្យគាត់ ហើយកូនតុងទីនដែលមិនទាន់បានដេញ ចេះតែមកសួរនាំ ធ្វើឲ្យគាត់ឈឺក្បាលយ៉ាងខ្លាំង ។
ម្យ៉ាងវិញទៀតការប្រមូលលុយ ពីកូនតុងទីនមិនបាន គឺវាកាន់តែកង្វល់បន្ថែមទៀត ទើបសម្រេចចិត្តទៅដាក់ពាក្យបណ្តឹង ឲ្យអាជ្ញាធរមូលដ្ឋាន ជួយរកដំណោះស្រាយ និងឈានទៅខកខាន ប្រមូលលុយមួយថ្ងៃ ទើបធ្វើឲ្យកូនតុងទីនទាំង ១០០នាក់ដែលនៅរស់ មិនទាន់ដេញសង្ស័យក៏នាំគ្នា មកព័ទ្ធតូបលក់ដូររបស់គាត់ទៅ ។ មេតុងទីនរូបនេះបានបន្តថា គាត់មិនបោកគេទេ ទោះបីជាមានអ្វី ក៏ត្រូវលក់សងកូនតុងទីនឲ្យរួច ដូច្នេះសូមកូនតុងទីនទាំងអស់ កុំភ័យថា គាត់រត់ចោលនោះ៕
Source from: watphnom-news.com
Loading...
Post a Comment