រាជធានីភ្នំពេញ៖យោងតាមសេចក្ដីព្រាងច្បាប់ចរាចរណ៍ផ្លូវគោកថ្មីដែលកំពុងតែពិភាក្សាគ្នារវាងអ្នកបង្កើតច្បាប់និងដៃគូពាក់ព័ន្ធបានកំហិតលើការពិន័យ រាជធានីភ្នំពេញ ៖ យោងតាមសេចក្ដីព្រាងច្បាប់ ចរាចរណ៍ផ្លូវគោកថ្មី ដែលកំពុងតែពិភាក្សាគ្នា រវាងអ្នកបង្កើតច្បាប់ និងដៃគូពាក់ព័ន្ធ បានកំហិតលើការពិន័យ អ្នកដំណើរដែល មិនពាក់មួកសុវត្ថិភាពចំនួន ១៥.០០០ រៀល លើសច្បាប់ចាស់ដែលពិន័យត្រឹមតែ ៣០០០ រៀល ទន្ទឹមពេលដែលគេរកឃើញថា អត្រាគ្រោះថ្នាក់ចរាចរណ៍ នៅក្នុងប្រទេសកម្ពុជា មានការកើនឡើងគួរ ឲ្យព្រួយបារម្ភដែលកើតចេញ ពីសកម្មភាពរបស់មនុស្សដូចជា ការមិនពាក់ពួកសុវត្ថិភាព និងការបើកក្នុង អាការស្រវឹងជាដើម ហើយម៉ូតូមួយបានកំណត់ឲ្យជិះតែ ៣នាក់ប៉ុណ្ណោះ។
ចំពោះការបង្តើតច្បាប់ថ្មីដែលសភា មិនទាន់អនុម័ត នឹងពិន័យលើអ្នកធ្វើដំណើរ មិនពាក់មួកសុវត្ថិភាពចំនួន ១៥.០០០ រៀល ដើម្បីចូលរួមកាត់បន្ថយ គ្រោះថ្នាក់ចរាចរណ៍ ដែលប៉ះពាល់ខ្លាំងត្រង់ក្បាល និងអាចឈានដល់ការស្លាប់ បាត់បង់ជីវិតដោយសារការមិនពាក់ មួកសុវត្ថិភាពដែល មានភាគរយច្រើន។ អ្នកជំនាញបានបញ្ជាក់ថា បើប្រៀធៀបជាមួយប្រទេសនៅអាស៊ី ច្បាប់ចរាចរណ៍ផ្លូវគោករបស់យើង ពិន័យតិចណាស់សម្រាប់អ្នក មិនពាក់មួកសុវត្ថិភាព ហើយប្រជាជនយើង ជាពិសេសយុវជនគាត់អាងថា ពិន័យត្រឹមតែបីពាន់រៀល មានលក្ខណៈតិចតួចសម្រាប់គាត់ អញ្ជឹងគាត់នៅតែ អត់ពាក់មួកសុវត្ថិភាព។
នៅក្នុងវគ្គបណ្ដុះបណ្ដាលស្ដីពី កត្តាហានិភ័យលើការ មិនពាក់មួកសុវត្ថិភាព និងការបើកក្រោមឥទ្ធិពល នៃគ្រឿងស្រវឹង នៅក្រសួងព័ត៌មាន ដែលមានរយៈមួយថ្ងៃកន្លះ ចាប់ពីថ្ងៃទី២១ ខែវិច្ឆិកា ដល់ព្រឹកថ្ងៃទី២២ ខែវិច្ឆិកា ឆ្នាំ២១០៣ នេះ លោក ខៀវ កាញារីទ្ធ រដ្ឋមន្ត្រីក្រសួងព័ត៌មានមានប្រសាសន៍ថា ច្បាប់ចរាចរណ៍ផ្លូវគោកថ្មីនេះ នឹងតម្រូវឲ្យម៉ូតូមួយជិះគ្នាតែបី ប៉ុណ្ណោះ រួមមានឪពុក-ម្ដាយ និងកូនតូចម្នាក់។ ក្នុងចំណោមអ្នកជិះម៉ូតូចំនួនបីនាក់ ត្រូវតែពាក់មួកសុវត្ថិដូចគ្នា ព្រោះកន្លងមកមានផលប៉ះពាល់ ខ្លាំងណាស់សម្រាប់អ្នកជិះខាងក្រោយ ដែលមិនពាក់មួកសុវត្ថិភាព ដូច្នេះច្បាប់របស់យើង ត្រូវតែរឹតបណ្តឹងលើបញ្ហានេះ ឲ្យបានមែនទែន៕
Source from: watphnom-news.com
Loading...
Post a Comment