ខេត្តកណ្តាល៖ស្ត្រីជាប្រពន្ធប្តឹងឲ្យសមត្ថកិច្ចនគរបាលស្រុកកណ្តាលស្ទឹងឃាត់ខ្លួនស្វាមីកំហូចកាលពីវេលាម៉ោង១៣និង៣០នាទីថ្ងៃទី១៣ខែវិច្ឆិកា ខេត្តកណ្តាល ៖ ស្ត្រីជាប្រពន្ធប្តឹងឲ្យសមត្ថកិច្ច នគរបាលស្រុកកណ្តាលស្ទឹង ឃាត់ខ្លួនស្វាមីកំហូចកាលពីវេលាម៉ោង ១៣និង៣០ នាទីថ្ងៃទី១៣ ខែវិច្ឆិកា ឆ្នាំ២០១៣ បន្ទាប់ពីបុរសខាងលើ បានល្បួងកូនស្រីប្តីដើមរបស់ប្រពន្ធ រំលោភនៅលើគ្រែក្នុងផ្ទះរហូតបានសម្រេច និងបានគំរាមសម្លាប់ក្មេងស្រីរងគ្រោះ បើសិនជានាងហ៊ានយក រឿងរ៉ាវរំលោភនេះ ប្រាប់ម្តាយនិងសាច់ញាតិ។
ជនសង្ស័យមានឈ្មោះ ម៉ៅ ម៉ាញ ភេទប្រុស អាយុ ៣២ឆ្នាំ មានស្រុកកំណើត នៅភូមិព្រែកព្រំ ឃុំពោធិ៍ទី ស្រុកស៊ីធរកណ្តាល ខេត្តព្រៃវែង បច្ចុប្បន្នស្នាក់នៅផ្ទះជួល ក្នុងភូមិឬស្សី សង្កាត់ស្ទឹងមានជ័យ ខណ្ឌមានជ័យ ប្រកបរបរជាអ្នករត់ម៉ូតូឌុប ហើយយូៗទើបមកផ្ទះ នៅស្រុកកណ្តាលស្ទឹងម្តង។ ចំណែកក្មេងស្រីរងគ្រោះមានឈ្មោះ ទសល អាយុ ៧ឆ្នាំ ជាសិស្ស និងរស់នៅក្នុងបន្ទុកជាមួយម្តាយ ។
ឈ្មោះ ម៉ៅ ម៉ាញ បានល្បួងក្មេងស្រីរងគ្រោះរំលោភ នៅលើគ្រែក្នុងផ្ទះ ខណៈដែលប្រពន្ធទៅផ្សារ កាលពីវេលាម៉ោង ៩និង៣០ នាទីព្រឹកថ្ងៃទី៩ ខែវិច្ឆិកា ឆ្នាំ២០១៣ ស្ថិតក្នុងភូមិប្រឡាយ ឃុំបឹងខ្យាង ស្រុកកណ្តាលស្ទឹង ខេត្តកណ្តាល។ ក្រោយពេលកើតហេតុ ពុំមាននរណាម្នាក់បានដឹងនោះទេ ទើបតែនៅថ្ងៃទី១៣ ខែវិច្ឆិកា ម្តាយក្មេងស្រីរងគ្រោះ មានការសង្ស័យ ក៍នាំកូនស្រីទៅឲ្យគ្រូពេទ្យពិនិត្យ ទើបដឹងថា នាងត្រូវបានគេរំលោភ។
ម្តាយបានជជីកសួរក្មេងស្រីរងគ្រោះ ទើបដឹងថា នាងត្រូវបានបុរសជាប្តីចុង ចាប់រំលោភខណៈដែលស្ត្រីជាម្តាយមិននៅផ្ទះ ហើយស្ត្រីជាម្តាយបាននាំកូនស្រី ទៅកាន់ប៉ុស្តិ៍នគរបាលបឹងខ្យាង ប្តឹងឲ្យសត្ថកិច្ច ឃាត់ខ្លួនជនសង្ស័យ ចាត់ការតាមនីតិវិធី។ ជនសង្ស័យ បានសារភាពថា ខ្លួនពិតជាបានល្បួង កូនស្រីប្តីដើមរបស់ប្រពន្ធ រំលោភរហូតបានសម្រេចបំណង ហើយបានគំរាម សម្លាប់ក្មេងស្រីរងគ្រោះចោល បើសិនជានាង ហ៊ានយករឿងនេះ ប្រាប់អ្នកដទៃ៕
Source from: watphnom-news.com
Loading...
Post a Comment