ខេត្តកំពង់ឆ្នាំង៖សមត្ថកិច្ចបានចាប់ខ្លួនបុរស៣នាក់បន្ទាប់ពីបានធ្វើសកម្មភាពចាប់រំលោភបូកទៅលើនារីម្នាក់ឈ្មោះខេត្តកំពង់ឆ្នាំង ៖ សមត្ថកិច្ចបានចាប់ខ្លួនបុរស ៣ នាក់ បន្ទាប់ពីបានធ្វើសកម្មភាព ចាប់រំលោភបូកទៅលើ នារីម្នាក់ឈ្មោះ ម.ច.ធ អាយុ ២២ ឆ្នាំ ជាមនុស្សវិកលចរិតពីកំណើត បានសម្រេចគ្រប់ៗគ្នាជាច្រើនលើក កាលពីវេលាម៉ោង ៨និង១៥ នាទីយប់នៅចំណុចតាចក់ស្ថិតក្នុងភូមិតាសាំ ឃុំក្រាំងស្គារ ស្រុកទឹកផុស ហើយត្រូវបានប្រជាពលរដ្ឋ ប្ដឹងសមត្ថកិច្ចមូលដ្ឋាន។
ជនល្មើសទាំង ៣ នាក់នោះរួមមាន១-ឈ្មោះ អោម ឈីន អាយុ ៣៣ឆ្នាំ ជាអ្នកបានចាប់រំលោភនារីរងគ្រោះមុនគេ ទី២-ឈ្មោះ វ៉ុន សុរ៉ា ហៅង៉ុយ អាយុ ២២ឆ្នាំ ជាអ្នកចាប់រំលោភបន្ទាប់ និងទី៣-ឈ្មោះ រ៉ា វិត អាយុ ២២ឆ្នាំជាអ្នករំលោភចុងក្រោយគេ។ មុនពេលកើតហេតុបុរសទាំង ៣ នាក់និងមិត្តភ័ក្ដិ ក្នុងភូមិ ៣ទៅ៤ នាក់ទៀត បានស៊ីផឹកជាមួយគ្នា ពេលនោះនារីរងគ្រោះ ក៏បានចូលមកផឹកមួយកែវ ជាមួយពួកគេ រួចដើរចេញទៅ។ បន្ទាប់មកឈ្មោះ អោម ឈីន បានដើរតាមហើយចាប់ដឹកដៃ នាងចូលទៅព្រៃរបោះក្នុងដីឡូមួយកន្លែង និងបានចាប់រំលោភនាងបានសម្រេច។
ក្រោយមកទៀតឈ្មោះ វ៉ុន សុរ៉ា ក៏បានចេញពីវង់ផឹក ទៅចាប់រំលោភនាងជាលើកទី២ និងចុងក្រោយគេគឺឈ្មោះ រ៉ា វិត ក៏បានចាប់រំលោភនាង គឺសុទ្ធតែបានសម្រេចដូចៗគ្នា។ ដោយឡែកឈ្មោះ អោម ឈីន បានចាប់អូសនាង ទៅក្រោមដើមស្វាយចន្ទី ចម្ងាយប្រមាណ ១០ ម៉ែត្រពីកន្លែងទី១ ហើយចាប់រំលោភនារីរងគ្រោះ បានសម្រេចជាលើកទី២ទៀត។
ពេលត្រូវបានក្រុមជនពាលចាប់រំលោភ នារីរងគ្រោះបានស្រែក ឲ្យគេជួយហើយអ្នកជិតខាង ក៏បានដឹងលឺផងដែរ ដោយមានបុរសម្នាក់ បានលួចថតសកម្មភាព របស់ឈ្មោះ អោម ឈីន ក្នុងរូបភាពអាក្រាតទៀតផង និងមានស្ត្រីម្នាក់បានយកខោ ឲ្យនារីរងគ្រោះស្លៀកវិញ ដើម្បីបិទបាំងរាងកាយ។ នៅចំពោះមុខសមត្ថកិច្ច ជនល្មើសទាំង ៣ នាក់បានសារភាពថា ពួកគេពិតជាបាននាំគ្នា ចាប់រំលោភនារីរងគ្រោះ ជាមនុស្សវិកលចរិតពិតមែន៕
Source from: watphnom-news.com
Loading...
Post a Comment