រាជធានីភ្នំពេញ៖ក្មេងស្ទាវមួយក្រុមទំនងជាមានជម្លោះនៅតាមកន្លែងផឹកស៊ីបានជិះម៉ូតូស៊េរីទំនើបដេញវាយនិងបាញ់បុរសម្នាក់ទាំងកណ្តាលរាត្រីរាជធានីភ្នំពេញ ៖ ក្មេងស្ទាវមួយក្រុម ទំនងជាមានជម្លោះ នៅតាមកន្លែងផឹកស៊ី បានជិះម៉ូតូស៊េរីទំនើប ដេញវាយនិងបាញ់បុរសម្នាក់ ទាំងកណ្តាលរាត្រី ផ្អើលដល់ប្រជាពលរដ្ឋ នាំគ្នាមកចោមរោមមើល ក៏ឃើញយុវជនម្នាក់ ត្រូវគ្រាប់កាំភ្លើងចំក្បាលរងរបួសធ្ងន់ធ្ងរ នៅចំណុចផ្លូវបេតុង ក្រុមទី៦ ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង ១២យប់ថ្ងៃទី១៧ ខែវិច្ឆិកា ឆ្នាំ២០១៣ ។
ជនរងគ្រោះ និងក្រុមឃាតកដៃឆៅ មានជាទំនាស់ជាមួយគ្នា ក្នុងហាងផឹកស៊ីណាមួយក្បែរៗ កន្លែងកើតហេតុ ហើយគេឃើញក្មេងស្ទាវ មួយក្រុមមានគ្នា ៤ នាក់ ជិះម៉ូតូស៊េរីទំនើប ២ គ្រឿង ប្រដាប់ដោយកាំភ្លើង ដេញវាយជនរងគ្រោះ យ៉ាងប្រសាចពេញផ្លូវ។ រហូតដល់ចំណុចកើតហេតុ ក្រុមក្មេងស្ទាវបានចុះ វាយក្បាលជនរងគ្រោះ មួយស្នាប់កាំភ្លើង បណ្តាលឲ្យបែកក្បាល ហូរឈាមស្រោចខ្លួន សន្លប់ស្តូកស្តឹងនៅនឹងកន្លែង កើតហេតុតែម្តង ។
ជនរងគ្រោះមានឈ្មោះ អូន ប៊ុនណាត ភេទប្រុស អាយុ ១៩ឆ្នាំ មុខរបរជាព្រូរថយន្ត ស្នាក់នៅផ្ទះជួល សង្កាត់បឹងសាឡាង ខណ្ឌទួលគោក និងមានស្រុកកំណើត នៅស្រុកព្រៃឈរ ខេត្តកំពង់ចាម ។ សាក្សីបានប្រាប់សមត្ថកិច្ចថា ឈ្មោះ អូន ប៊ុនណាត បានរត់យ៉ាងលឿន តាមបណ្តោយផ្លូវបេតុង នឹងបានស្រែកឲ្យ ប្រជាពលរដ្ឋជួយ ព្រោះក្រុមក្មេងស្ទាវ ៤ នាក់កំពុងជិះម៉ូតូ ២ គ្រឿងដេញវាយ ហើយរត់បានជាង ១០០ម៉ែត្រ ស្រាប់តែឃើញ យុវជនរងគ្រោះដួលសន្លប់ ក្នុងថ្លុកឈាម និងឮសំឡេងផ្ទុះអាវុធ ចំនួន ២គ្រាប់ បង្កឲ្យមានការភ្ញាក់ផ្អើលតែម្តង៕
Source from: watphnom-news.com
Loading...
Post a Comment