ផឹក​ស៊ី​​ក្លែម​សំដី​​កើត​ជា​​ជ​ម្លោះ កាប់​​ចាក់​​គ្នា​​របួស​ធ្ងន់​​ពីរ​​នាក់ អ្នក​ឈ្នះ​​រត់​ចោល​​ផ្ទះ​

Daily News, In Khmer, sex, Sexy, Social News

12/17/2013 08:00:00 AM

ខេត្តបាត់ដំបង៖បុរសម្នាក់ក្នុងចំណោម៣នាក់ពេលស្រវឹងជោកជាំបានវាយនឹងប្រើពូថៅកាប់បុរស២នាក់បណ្តាលឲ្យ

ខេត្តបាត់ដំបង ៖ បុរសម្នាក់ក្នុងចំណោម ៣នាក់ ពេលស្រវឹងជោកជាំ បានវាយនឹងប្រើពូថៅ កាប់បុរស ២នាក់បណ្តាលឲ្យ រងរបួសធ្ងន់ស្រាល ក្នុងវង់ផឹកស៊ី ត្រូវនគរបាល ការិយាល័យព្រហ្មទណ្ឌ កំរិតស្រាលខេត្តបាត់ដំបង កសាងសំណុំរឿង ពីបទហិង្សាដោយចេតនា បញ្ជូនទៅតុលាការ កាលព្រឹកថ្ងៃទី១៧ ខែធ្នូ ឆ្នាំ២០១៣ ចាត់ការតាមនីតិវិធី ហើយនៅសល់ពីរនាក់ទៀត សមត្ថកិច្ចកំពុងស្រាវជ្រាវ តាមចាប់ខ្លួន។

បុរសសង្ស័យត្រូវនគរបាល ស្រុកបវេល ឃាត់ខ្លួនកាលពីវេលាម៉ោង ៨យប់ថ្ងៃទី១៤ ខែធ្នូ នៅចំណុចកើតហេតុ ក្នុងភូមិបឹងអន្លក់ ឃុំក្តុលតាហែន ស្រុកបវេល ខេត្តបាត់ដំបង និងបញ្ជូនមកស្នងការដ្ឋាននគរបាលខេត្ត នាព្រឹកថ្ងៃទី១៦ ខែធ្នូ ឆ្នាំ២០១៣ ដើម្បីចាត់ការបន្ត។ លោក សម សុផុន មន្ត្រីនគរបាលការិយាល័យ ព្រហ្មទណ្ឌកំរិតស្រាល បានអោយដឹងថា បុរសសង្ស័យដែល សមត្ថកិច្ចឃាត់ខ្លួន មានឈ្មោះ បឿន យាង អាយុ ២៩ឆ្នាំ។ រីឯបុរសដៃដល់ឈ្មោះ បឿន បារាំង អាយុ ៣៣ឆ្នាំជាអ្នកកាប់ និងឈ្មោះ ស្រើម ឆាត អាយុ ៣៣ឆ្នាំបានរត់គេចខ្លួនបាត់ ហើយជនសង្ស័យទាំង ៣នាក់មានទីលំនៅក្នុងភូមិកំពង់ភ្នៅ ឃុំបវេល ស្រុកបវេល ជាមួយគ្នា។

ចំណែកបុរសរងគ្រោះមានឈ្មោះ ឈិន វណ្ណា អាយុ ៣៣ឆ្នាំរងរបួសធ្ងន់ និងឈ្មោះ នេត នឿន អាយុ ២៥ឆ្នាំរបួសស្រាល មានទីលំនៅជាមួយគ្នា ក្នុងភូមិកំពង់ភ្នៅ ឃុំបវេល ស្រុកបវេល បានទៅលេងម្តាយមីង និងចាំចំការដំឡូងមី ក្នុងភូមិកើតហេតុ។ ឈ្មោះ នេត នឿន ជនរងគ្រោះបានប្រាប់សមត្ថកិច្ចថា នៅម៉ោង ៨និង១៥ នាទីយប់ថ្ងៃទី១៣ ខែធ្នូ ឆ្នាំ២០១៣ ខ្លួនបានទៅលេងផ្ទះម្តាយមីង នៅភូមិបឹងអន្លក់ឃុំក្តុលតាហែន ពេលនោះនៅផ្ទះពូ ជួន មឿន មានមនុស្សអង្គុយស៊ីផឹកចំនួន ៦នាក់ទី១-ឈ្មោះ បឿនបារាំង អាយុ ៣៣ឆ្នាំទី២-ឈ្មោះ បឿន យាង អាយុ ២៩ឆ្នាំទី៣-ឈ្មោះ ឈិន វណ្ណា អាយុ ៣៣ឆ្នាំទី៤-ឈ្មោះ ប៉ាវ អាយុ ១៧ឆ្នាំទី៥-ឈ្មោះ ស្រើម ឆាត អាយុ ៣៣ឆ្នាំ និងទី៦-ឈ្មោះ ថូង អាយុ ២៥ឆ្នាំ ពេលនោះខ្លួនក៏អង្គុយរួមផឹក ជាមួយពួកគាត់។

លុះយប់ជ្រៅឆ្លងចូលថ្ងៃទី១៤ ខែធ្នូ ម៉ោង ៣ជាងទៀបភ្លឺ ស្រាប់តែឈ្មោះ បឿន យាង បាននិយាយថាបង ឈិន វណ្ណា ពីមុនបងក៏ធ្លាប់វាយគ្នាដែរ ពេលនោះ បឿន យាង វាយទៅលើឈ្មោះ ឈិន វណ្ណា មួយដៃដួលផ្ងាកក្រោយ ភ្លាមនោះឈ្មោះ ស្រើម ឆាត និងឈ្មោះ បឿន បារាំង បានទាញពូថៅ កាប់លើទៅលើឈ្មោះ ឈិន វណ្ណា ថែមទៀតនិងព្រួតវាយឈ្មោះ នេត នឿន រងរបួសស្រាល។ ឈ្មោះ បឿនយាង បុរសសង្ស័យបានប្រាប់សមត្ថកិច្ចថា នៅវេលាម៉ោង ៣និង៤៥ នាទីទៀបភ្លឺថ្ងៃទី១៤ ខែធ្នូ ឆ្នាំ២០១៣ ខ្លួនស្រវឹងដាប បាននិយាយពាក្យច្រំដែលថា បងវណ្ណា ឯងពីមុន ក៏ធ្លាប់វាយគ្នាដែរ ពេលនោះបង វណ្ណា ក៏ស្ទុះវាយខ្លួនមួយដៃ ហើយខ្លួនក៏វាយតបវិញមួយដៃ ក្នុងន័យវាយគ្នាលែងធម្មតា ដូចសព្វដង។ តែពេលនោះបងប្រុសរបស់ខ្លួនឈ្មោះ បឿន បារាំង និងឆ្មោះ ស្រើម ឆាត គាត់ស្ទុះទៅវាយបង វណ្ណា ថែមដោយយប់ងងឹតនិងស្រវឹងផង មិនដឹងថា ពួកគេយកអ្វីវាយលើបង វណ្ណា ទេ៕