ខេត្តបាត់ដំបង៖យ៉ាងហោចណាស់មនុស្សចំនួន៦នាក់បានរងរបួសធ្ងន់ស្រាលក្នុងហេតុការណ៍ដែលបុរសម្នាក់ស្រវឹងស្រាឡើងជោកជាំបានបើករថយន្តឡង់រ៉ូវ៊ែរដ៏ទំនើបមួយគ្រឿងខេត្តបាត់ដំបង ៖ យ៉ាងហោចណាស់មនុស្សចំនួន ៦នាក់បានរងរបួសធ្ងន់ស្រាល ក្នុងហេតុការណ៍ដែល បុរសម្នាក់ស្រវឹងស្រាឡើងជោកជាំ បានបើករថយន្តឡង់រ៉ូវ៊ែរ ដ៏ទំនើបមួយគ្រឿង លឿនដូចហោះហើយបែកកង់មុខក្រោយ បណ្តាលឲ្យរ៉េចង្កូតបុក បុករះម៉ូតូកង់ អ្នកដំណើតាមដងផ្លូវ ដួលរងរបួសធ្ងន់ស្រាលកាលពីវេលាម៉ោង ១៧និង២០ នាទីល្ងាចថ្ងៃទី០៤ ខែធ្នូ ឆ្នាំ២០១៣ ផ្តើមចេញពីចំណុច មុខសណ្ឋាគារគ្រីនផាក ក្នុងភូមិរំចេក៤ សង្កាត់រតនៈ រហូតបញ្ចប់នៅចំណុចផ្លូវជាតិលេខ៥ ក្នុងភូមិរតនៈ សង្កាត់រតនៈ ក្រុងបាត់ដំបង។
សាក្សីបានឲ្យដឹងថា អ្នកបើកបររថយន្តឡង់រ៉ូវែ ពណ៌សរ ស៊េរីឆ្នាំ២០០៧ អត់ពន្ធមានឈ្មោះ ម៉ក់ សុពណ៌ ភេទប្រុស អាយុ ២៧ឆ្នាំ ស្ថិតក្នុងស្ថានភាពស្រវឹង ឈរមិននឹងខ្លួន មានទីលំនៅក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។ រថយន្តបង្កបានព្យាយាម បើករត់គេចផ្អើលពេញ ក្រុងបាត់ដំបង មកដល់ចំណុចផ្លូវជាតិលេខ៥ ក្នុងភូមិរតនៈ សង្កាត់រតនៈ ក្រុងបាត់ដំបង ទើបសមត្ថកិច្ចឃាត់បាន ទាំងរថយន្តនិងអ្នកបើកបរ ហើយពេលបញ្ជូន មកការិយាល័យចរាចរណ៍ មានអ្នកអន្តរាគមន៍ដោះលែងអ្នកបើកបរ ទាំងមិនបានកសាងសំណុំរឿង។
ហេតុការណ៍ដំបូង រថយន្តបង្កបានប់កបុក អ្នកជិះកង់មានឈ្មោះ Alleovae ភេទស្រី អាយុ ២៨ឆ្នាំ ជាជនជាតិបារាំង របួសបាក់ឆ្អឹងកងជើងឆ្វេង និងជាំហើមក្រោមភ្នែកស្តាំ ស្នាក់បណ្តោះអាសន្ន ក្នុងភូមិបែកចានថ្មី (ក្បែរវិមានសព)សង្កាត់ព្រែកព្រះស្តេច ក្រុងបាត់ដំបង។ បន្ទាប់មកទៀតនៅត្រង់ ចំណុចសណ្ឋាគារ គ្រីនផាក រថយន្តបង្កបានបើកបុក អ្នកជិះម៉ូតូ ២គ្រឿង បណ្តាលឲ្យរងរបួសស្រាល មិនបានស្រង់សាវតាទេ ព្រោះប្រញាប់ទៅព្យាបាល នៅមន្ទីរពេទ្យ។
រថយន្តបង្កបានព្យាយាមបើករត់ ក៏ជ្រុលទៅបុកអ្នកជិះម៉ូតូឌុបគ្នា ម្តាយនិងកូនមានឈ្មោះ ហេង ឆីឃាង ភេទប្រុស អាយុ ៣៧ឆ្នាំ ជាកូនរងរបួសស្រាល និងឈ្មោះ លឹម គឹមអេង អាយុ ៦២ឆ្នាំជាម្តាយ រងរបួសធ្ងន់ទាំង ២នាក់ជិះម៉ូតូ ហុងដាឌ្រីមស៊េរីឆ្នាំ២០០៤ រស់នៅភូមិអូរតាគាំ១ សង្កាត់ទួលតាឯក ក្រុងបាត់ដំបង។ រថយន្តបង្កបានបន្តទៅបុកជនរងគ្រោះ ឈ្មោះ ចាន់ ម៉ារី ភេទប្រុស អាយុ ១៧ឆ្នាំ បណ្តាលឲ្យរបួសជើងឆ្វេង យ៉ាងធ្ងន់ធ្ងរខណៈដែល ជនរងគ្រោះជិះម៉ូតូ ម៉ាកហុងដាឌ្រីម ស៊េរីឆ្នាំ២០០៩ មានទីលំនៅភូមិអណ្តូងចេញ សង្កាត់អូរចារ ក្រុងបាត់ដំបង។
សាក្សីបានឲ្យដឹងថា បុរសដែលបើករថយន្ត ហាក់បីដូចស្រវឹង ហើយពេលសមត្ថកិច្ចឃាត់ខ្លួន មានចរិត ក្រអើតក្រទម ដាក់សមត្ថកិច្ចថែមទៀត។ ក្រោយពេលកើតហេតុ វត្ថុតាងនិងអ្នកបង្ក ត្រូវបានដឹកយកទៅរក្សាទុក នៅការិយាល័ចរាចរណ៍ខេត្ត ប៉ុន្តែអ្នកបើបររថយន្ត ត្រូវបានគេអន្តរាគមន៍ ដោះលែងទាំងយប់។ ពាក់ព័ន្ធករណីនេះ អ្នកសារព័តមាន មិនអាចសុំការបំភ្លឺ ពីសមត្ថកិច្ចចរាចរណ៍ ណាម្នាក់បានឡើយព្រោះអស់លោកថា មិនអាចបកស្រាយបាន ហើយកន្លងមក ប្រសិនបើអ្នកបើកបរ អត់លុយគឺចាប់បញ្ជូន តែបើអ្នកមានលុយមិនបាច់សួរចម្លើយផង ក៏ត្រូវដោះលែងឲ្យមានសេរីភាព៕
Source from: watphnom-news.com
Loading...
Post a Comment