ខេត្តកណ្តាល៖ក្មេងស្រីម្នាក់បានស្លាប់បាត់បង់ជីវិតភ្លាមៗនៅនឹងកន្លែងកើតហេតុយ៉ាងអាណោចអាធ័មរីឯម្តាយរងរបួសធ្ងន់ធ្ងរខណៈដែលកំពុងតែជិះខេត្តកណ្តាល ៖ ក្មេងស្រីម្នាក់បានស្លាប់ បាត់បង់ជីវិតភ្លាមៗ នៅនឹងកន្លែងកើតហេតុ យ៉ាងអាណោចអាធ័ម រីឯម្តាយរងរបួសធ្ងន់ធ្ងរ ខណៈដែលកំពុងតែជិះ ម៉ូតូឌុបកូនស្រី តាមផ្លូវជាតិលេខ១១០ ហើយក៏ត្រូវរថយន្តកូរ៉េដឹកទំនិញ បើកបុកយ៉ាងពេញទំហឹង អូសជាង ៥ម៉ែត្រ កាលពីវេលាម៉ោងជាង៩ ព្រឹកថ្ងៃទី១៥ ខែធ្នូ ឆ្នាំ២០១៣ ស្ថិតនៅភូមិព្រែកតាប្រាក់ ឃុំតាលន់ ស្រុកស្អាង ខេត្តកណ្តាល។
ជនរងគ្រោះជាម្តាយមានឈ្មោះ ង៉ន សុខៀង អាយុ ៣១ឆ្នាំ រងរបួសធ្ងន់ មុខរបរលក់បន្លែ មានទីលំនៅ ភូមិឃុំកើ់តហេតុខាងលើ ជិះម៉ូតូម៉ាកហុងដា ស្កូពី ពណ៌ក្រហម គ្មានស្លាកលេខ ដោយឌុបកូនស្រីដែលបានស្លាប់នោះឈ្មោះ សាង លីដា អាយុ ២ឆ្នាំ។ សមត្ថកិច្ចជំនាញចុះ ទៅដល់កន្លែងកើតហេតុ ហើយបានធ្វើការវាស់វែង ហៅរថយន្តសាមុយ ដឹកស្ត្រីរងគ្រោះជាម្តាយ ទៅសង្គ្រោះបន្ទាន់នៅមន្ទីរពេទ្យ។ ចំណែកអ្នកបើកបររថយន្តមានឈ្មោះ សៀន សាវុធ អាយុ ៣២ឆ្នាំ មានស្រុកកំណើតនៅឃុំភ្លុក ស្រុកបសេដ្ឋ ខេត្តកំពង់ស្ពឺ ត្រូវបានសមត្ថកិច្ចឃាត់ខ្លួនភ្លាមៗ៕
Source from: watphnom-news.com
Loading...
Post a Comment