ខេត្តព្រះវិហារ៖យ៉ាងហោចណាស់ពលករខ្មែរចំនួន៨នាក់បានរងរបួសធ្ងន់ស្រាលកាលពីថ្ងៃទី១៨ខែធ្នូឆ្នាំ២០១៣ខេត្តព្រះវិហារ ៖ យ៉ាងហោចណាស់ ពលករខ្មែរចំនួន ៨នាក់បានរងរបួសធ្ងន់ស្រាល កាលពីថ្ងៃទី១៨ ខែធ្នូ ឆ្នាំ២០១៣ ដោយសារក្រុមទាហានថៃបាញ់រះ ខណៈដែលពួកគេឆ្លងដែនខុសច្បាប់ ចូលក្នុងទឹកដីថៃតាមច្រកអានសេះ ទៅស៊ីឈ្នួលកាប់ឈើគ្រញូង ហើយពលករចំនួន ៤នាក់ក្នុងចំណោម ៨នាក់ បានទទួលរងរបួសធ្ងន់ ត្រូវបានក្រុមគ្រួសារ បញ្ជូនមកសំរាកព្យាបាល នៅមន្ទីរពេទ្យបង្អែក ខេត្តព្រះវិហារ។
ពលករដែលជាជនរងគ្រោះ ដែលកំពុងសម្រាកព្យបាល ខ្លះត្រូវគ្រាប់កាំភ្លើង ចំពោះ ចំចង្កេះ និងកំប៉េះគូទ ប៉ុន្ដែមិនបណ្ដាលអោយស្លាប់ បាត់បង់ជីវិតនោះទេ។ អាជ្ញាធរមូលដ្ឋាន បានទទួលស្គាល់ថា ពិតជាមានករណីនេះ កើតទ្បើងប្រាកដមែន ហើយត្រូវបានគេស៊ើបដឹងថា ពលករខ្មែរទាំង ៨នាក់ខាងលើ រស់នៅឃុំរំដោះស្រែ ក្នុងស្រុកជាំក្សាន្ដ មានមុខរបរមិនពិតប្រាកដ ជាមុខសញ្ញាចាស់ ធ្លាប់ចេញចូលទឹកដីថៃខុសច្បាប់ ទៅកាប់ឈើគ្រញូង ជាញឹកញាប់ ។
មានការបង្ហើបអោយដឹងផងដែរថា មានពលករខ្មែរខុសច្បាប់ប្រមាណ ៣០០នាក់បានចូល ទៅកាប់ឈើគ្រញូងក្នុងទឹកដីថៃ តាមច្រករបៀងនានា ជាប់តំបន់ព្រំដែនប្រាសាទព្រះវិហារ ដូចជាច្រកអូរចាក់ច្រែង ច្រកបុស្បូវជាំតែ ច្រកអានសេះ និងច្រកមុំ៣ ហើយពួកគេមាន ជីវភាពទីទាល់ក្រ ស៊ីឈ្នួលកាប់ឈើគ្រញូងខុសច្បាប់ ក្នុងដីថៃភាគច្រើន មិនទាន់បានវិលត្រទ្បប់ ចូលមកក្នុងទឹកដីកម្ពុជាវិញនៅទ្បើយទេ រហូតមកដល់ថ្ងៃនេះ មិនដឹងជាពួកគេមានវាសនា បែបណានោះឡើយ៕
Source from: watphnom-news.com
Loading...
Post a Comment