ខេត្តបន្ទាយមានជ័យ៖ដោយសារខូចចិត្តរឿងប្រពន្ធដែលបានលែងលះគ្នាអស់រយៈពេល៣ឆ្នាំមកហើយខេត្តបន្ទាយមានជ័យ ៖ ដោយសារខូចចិត្ត រឿងប្រពន្ធដែលបាន លែងលះគ្នា អស់រយៈពេល ៣ ឆ្នាំមកហើយ មិនដែលនឹកនា បុរសម្នាក់បានសម្រេចចិត្ត ធ្វើអត្តឃាត ដោយយកខ្សែចង.ក ជាមួយរ៉ូតផ្ទះ ដើម្បីបញ្ចប់ជីវិតដ៏សែនសោកសៅបង្កឲ្យមានភ្ញាក់ផ្អើលទាំងព្រឹក កាលពីវេលាម៉ោង ៧និង១៧នាទីថ្ងៃទី១៩ ខែធ្នូ ឆ្នាំ២០១៣ ស្ថិតនៅភូមិសាលាដែង ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។
ជនរងគ្រោះដែលគិតខ្លីមានឈ្មោះ ថាត់ នេត្រ ភេទប្រុស អាយុ ៣៤ឆ្នាំ មានមុខរបជាកសិករ មានលំនៅឋានក្នុងភូមិកើតហេតុខាងលើ។ ម្តាយបង្កើតជនរងគ្រោះបានឲ្យដឹងថា កូនប្រុសរបស់គាត់ ឧស្សាហ៍ព្យាយាម និងជួយរាល់ការងារបស់គាត់ និងសុភាពរាបសារ មិនចេះដើរផឹកស៊ី ចេញក្រៅផ្ទះទេ។ មុនពេលកើតហេតុ ជនរងគ្រោះមិនបាន ទៅលេងផ្ទះរបស់គាត់ទេ ទើបគាត់ដើរទៅផ្ទះ កូនប្រុសស្រាប់តែឃើញ បិទទ្វារនិងទ្វារផ្ទះ។
ពេលនោះគាត់ក៏ឡើងទៅលើផ្ទះ ហើយទាញទ្វារដើរចូលទៅខាងក្នុង ភ្លាមនោះគាត់ក៏ស្រែកហៅកូនប្រុស មិនឮឆ្លើយតបបន្តិចសោះ ទើបគាត់ស្រែកហៅ ឲ្យអ្នកជិតខាងជួយគាស់ទ្វារផ្ទះ ក៏ប្រទះឃើញកូនប្រុសគាត់ចងក ជាមួយរ៉ូតផ្ទះស្លាប់បាត់ទៅហើយ មិនដឹងពីអង្កាលណានោះទេ។ ក្រោយពេលធ្វើកោសលវិច័យ សមត្ថកិច្ចបានបញ្ជាក់ថា ជនរងគ្រោះពិតជា ធ្វើអត្តឃាតដោយចងក សម្លាប់ខ្លួន មិនពាក់ព័ន្ធនឹងរឿងឃាតកម្មអ្វីនោះទេ៕ ដោយ ចិន្តា
Source from: watphnom-news.com
Loading...
Post a Comment