រាជធានីភ្នំពេញ៖រថយន្តធុនធំដឹកថ្មមួយគ្រឿងជាកម្មសិទ្ធិរបស់លោកផ្កាយ៣នឹមម៉េងមន្ត្រីយោធាដ៏មានឥទ្ធិពលបានព្រលះរបាំងក្បាលនាគរាជធានីភ្នំពេញ ៖ រថយន្តធុនធំដឹកថ្មមួយគ្រឿង ជាកម្មសិទ្ធិរបស់លោកផ្កាយ៣ នឹម ម៉េង មន្ត្រីយោធាដ៏មានឥទ្ធិពល បានព្រលះរបាំងក្បាលនាគ និងបន្តទៅបុកបាក់ របាំងថ្មចែកទ្រូងផ្លូវ អស់ចំនួន១១ កង់ ទើបទៅមុខលែងរួច កាលពីម៉ោង៥និង៣០នាទីព្រឹក ថ្ងៃទី១៩ ខែធ្នូ ឆ្នាំ២០១៣នេះ ស្ថិតនៅតាមបណ្តោយផ្លូវជាតិលេខ២ ក្នុងភួមិទួលរកា សង្កាត់ចាក់អង្រែក្រោម ខណ្ឌមានជ័យ បណ្តាលឲ្យកកស្ទះ ចរាចរណ៍ជាច្រើនម៉ោង។
នៅមុនពេលកើតហេតុ គេឃើញរថយន្តធុនធ្ងន់ ពណ៌លឿងឆ្នូតខៀវ បានដឹកថ្មពេញហើយធ្វើដំណើរតាមបណ្តោយផ្លូវជាតិលេខ២ ក្នុងទិសដៅពីត្បូងទៅជើង ចូលមករាជធានីភ្នំពេញ លុះមកដល់ចំណុចកើតហេតុ ក៏ស្រាប់តែរេចង្កូតទៅបុករបាំងថ្ម ពុះចែកទ្រូងផ្លូវទាំងកំរោល បណ្តាលឲ្យបាក់អស់ចំនួន១១កង់ទាំងព្រឹកព្រលឹម។ អ្នកបើករថយន្តបង្កឈ្មោះ ឡុង យឿន អាយុ ៣៥ឆ្នាំត្រូវបាន សមត្ថកិច្ចឃាត់ខ្លួន បានអះអាងថា ខ្លួនបើកគេចម៉ូតូទើបបង្ក ឲ្យមានគ្រោះថ្នាក់តែម្តង។
គួររំលឹកថា ក្រុមហ៊ុន នឹម ម៉េង បានម៉ៅការដឹកថ្ម ខ្សាច់ យកទៅផ្គត់ផ្គង់ឲ្យ ក្រុមហ៊ុនអភិវឌ្ឈន៍ កោះពេជ្រ និងធ្វើអាជីវកម្មដឹកដី នៅក្នុងរាជធានីភ្នំពេញ មិនត្រឹមតែជីករណ្ដៅដីជ្រៅ ធ្លាយក្បាលប្រែត ឬដឹកថ្ម ខ្សាច់ ផ្ទុកលើសទម្ងន់បំផ្លាញផ្លូវ ក្នុងរាជធានីភ្នំពេញប៉ុណ្ណោះទេ សមត្ថកិច្ច បានអះអាងថា អ្នកបើកបរប្រចាំក្រុមហ៊ុន នឹម ម៉េង ភាគច្រើនព្រហើន មិនគោរពច្បាប់ចរាចរណ៍ មិនញញើតនឹងសមត្ថកិច្ច បើកចូលក្រុងទាំង យប់ទាំងថ្ងៃក្នុងល្បឿនលឿន មិនខ្វល់ពីគ្រោះថ្នាក់ ដល់អាយុជីវិតអ្នកដំណើរនោះទេ៕
Source from: watphnom-news.com
Loading...
Post a Comment