ខេត្តបាត់ដំបង៖បុរសពិការជើងជាអតីតយោធិនម្នាក់ស្រវឹងស្រាបានដេកតាមផ្លូវក៏ត្រូវរថយន្តមិនស្គាល់ម៉ាកមួយគ្រឿងបើកបុកបណ្តាលឲ្យស្លាប់នៅនឹងកន្លែងកើតហេតុខេត្តបាត់ដំបង ៖ បុរសពិការជើងជា អតីតយោធិនម្នាក់ ស្រវឹងស្រាបានដេកតាមផ្លូវ ក៏ត្រូវរថយន្តមិនស្គាល់ម៉ាកមួយគ្រឿង បើកបុកបណ្តាលឲ្យស្លាប់ នៅនឹងកន្លែងកើតហេតុ កាលពីម៉ោង ៣ទៀបភ្លឺថ្ងៃទី១៩ ខែធ្នូ ឆ្នាំ២០១៣ នៅលើផ្លូវជាតិលេខ៥៧អា ត្រង់ចំណុចក្រុមទី១១ ភូមិតំណាក់ហ្លួង សង្កាត់វត្តគរ ក្រុងបាត់ដំបង ហើយនគរបាលចរាចរណ៍ បានដឹកសពមកតម្កល់ទុក នៅវត្តសមសាន្ត នៅភូមិដង្កោទាប សង្កាត់ទួលតាឯក ក្រុងបាត់ដំបង។
បុរសរងគ្រោះដែលត្រូវ រថយន្តបុកស្លាប់ មានឈ្មោះ វ៉ែន ភន អាយុ ៥០ឆ្នាំ ជាអតីតទាហានពិការជើងខាងស្តាំ មានស្រុកកំណើត នៅភូមិបរតាំងស៊ូ ឃុំបរយ៉ាខា ក្រុងប៉ៃលិន ត្រូវប្រពន្ធរត់ចោល។សព្វថ្ងៃនេះជនរងគ្រោះ គ្មានផ្ទះសម្បែងពិតប្រាកដទេ ជាមនុស្សអនាថា មករស់នៅក្រុងបាត់ដំបង ដើរសុំទានគេបានលុយបន្តិចបន្តួច ទិញស្រាផឹងស្រវឹងអួទីនួរាល់ថ្ងៃ ហើយដើរដេកតាមដងផ្លូវ។
នៅមុនពេលកើតហេតុ ម៉ោងជាង ១០យប់ថ្ងៃទី១៨ ខែធ្នូ សមត្ថកិច្ចបានជិះម៉ូតូ ល្បាតតាមផ្លូវជាតិលេខ៥៧អា ក៏ប្រទះឃើញជនរងគ្រោះ ដេកទទឹងថ្នល់ស្រាតននលគក ដោយមានខោខ្លីមួយ និងខោជើងវែងមួយដាក់នៅក្បែរខ្លួន។ ពេលនោះសមត្ថកិច្ច បានយកខោខ្លីនិងខោវែង ស្លៀកឲ្យជនរងគ្រោះ និងយកជើងសិប្បនិមិត្ត ពាក់អោយផងដែរ ហើយពេលនោះជនរងគ្រោះ បានសុំបារីមួយដើមជក់។
លុះដល់ម៉ោង ៣ទៀបភ្លឺថ្ងៃទី១៩ ខែធ្នូ ស្រាប់តែប្រជាពលរដ្ឋប្រទះឃើញ ជនរងគ្រោះដេកស្លាប់លើចិញ្ចើមថ្នល់ ដោយមានស្នាមរបួសពេញខ្លួន រួចក៏ហៅនគរបាលចរាចរណ៍ខេត្ត មកវាស់វែងរួចដឹកសពយកទៅទុកនៅក្នុងវត្តសមសាន្ត ដោយបានសុំការអនុញ្ញាតិ ពីព្រះសង្ឃនិងគណកម្មការវត្ត យ៉ាងត្រឹមត្រូវ មិនមែនយកមកផ្លុងចោល ដូចព័ត៌មានមួយចំនួន ចុះផ្សាយនោះទេ៕
Source from: watphnom-news.com
Loading...
Post a Comment