ខេត្តបន្ទាយមានជ័យ៖រថយន្តក្រុងមួយគ្រឿងបានបុកគោយន្តកន្ត្រៃពីក្រោយខណៈបើកបរលើផ្លូវជាតិលេខ៦នៅខាងលិចភូមិតាប៉ុនឃុំទឹកជោរស្រុកព្រះនេត្រព្រះ ខេត្តបន្ទាយមានជ័យ ៖ រថយន្តក្រុងមួយគ្រឿង បានបុកគោយន្តកន្ត្រៃពីក្រោយ ខណៈបើកបរលើផ្លូវជាតិលេខ៦ នៅខាងលិចភូមិតាប៉ុន ឃុំទឹកជោរ ស្រុកព្រះនេត្រព្រះ កាលពីម៉ោង ៥ព្រឹកថ្ងៃទី២០ ខែធ្នូ ឆ្នាំ២០១៣ បណ្តាលឲ្យមនុស្ស២នាក់របួសធ្ងន់ ត្រូវបាននគរបាល ដឹកយកទៅសង្គ្រោះ និងព្យាបាល នៅមន្ទីរពេទ្យបង្អែក ស្រុកព្រះនេត្រព្រះ ហើយបានជូនដំណឹងដល់ ក្រុមគ្រួសារជនរងគ្រោះផងដែរ។
រថយន្តក្រុងនោះម៉ាកហ៊ីណូ ពាក់ស្លាកលេខ ភ្នំពេញ 3B5045 ពណ៌ចម្រុះ បើកក្នុងទិសដៅពីកើតទៅលិច ស្របនឹងគោយន្តកន្ត្រៃមួយគ្រឿង ដែលបើកលើផ្លូវជាតិដែរ តែទំនងជាតៃកុងព្រិលភ្នែក មើលមិនឃើញក៏ជ្រុលទៅបុក គោយន្តកន្ត្រៃពីក្រោយ បង្កខូចខាតនិងរងរបួសតែម្តង។ សមត្ថកិច្ចបានអោយដឹងថា ភាគីខាងគោយន្ត ជាអ្នករងគ្រោះ មានឈ្មោះ ខុំ ភាស់ ភេទប្រុស អាយុ ២៣ឆ្នាំ ជាអ្នកបើកបរ និង ឈ្មោះ ឈិន ខុំ ភេទប្រុស អាយុ ៤៧ឆ្នាំ ជាឪពុក ទាំងពីរនាក់របួសជាទម្ងន់ មានលំនៅភូមិកូក ឃុំត្នោត ស្រុកកញ្ជៀច ខេត្តព្រៃវែង ហើយបានបរគោយន្ត ដឹកសម្ភារៈពីខេត្តព្រៃវែង បម្រុងទៅភូមិទួលក្រសាំង ឃុំក្តុលតាហែន ស្រុកបវេល ខេត្តបាត់ដំបង សំដៅទៅផ្ទះប្រពន្ធ របស់ឈ្មោះ ខុំ ភាស់៕
Source from: watphnom-news.com
Loading...
Post a Comment