រាជធានីភ្នំពេញ៖ប៉ូលិសខណ្ឌសែនសុខបានឃាត់ខ្លួនបុរសវ័យក្មេងម្នាក់បន្ទាប់ពីបានធ្វើសកម្មភាពរំលោភសេពសន្ថវៈប្រហែល១ម៉ោងប៉ុណ្ណោះរាជធានីភ្នំពេញ ៖ ប៉ូលិសខណ្ឌសែនសុខ បានឃាត់ខ្លួនបុរសវ័យក្មេងម្នាក់ បន្ទាប់ពីបានធ្វើសកម្មភាព រំលោភសេពសន្ថវៈ ប្រហែល ១ម៉ោងប៉ុណ្ណោះ កាលពីម៉ោង ៩យប់ថ្ងៃទី១៥ ខែធ្នូ ឆ្នាំ២០១៣ នៅចំណុចបន្ទប់ផ្ទះជួល មួយកន្លែង ស្ថិតក្នុងភូមិបុរី១០០ខ្នង សង្កាត់ទឹកថ្លា ខណ្ឌសែនសុខ រាជធានីភ្នំពេញ តែជនសង្ស័យបានអះអាងថា ជារឿងទំនាក់ទំនងស្នេហា ស្រឡាញ់គ្នាទើបតែ បានមួយអាទិត្យ។
ជនសង្ស័យមានឈ្មោះ ថន បញ្ញា អាយុ ២០ឆ្នាំ ជាបុគ្គលិកសន្តិសុខក្រុមហ៊ុនឯកជន ត្រូវបានសមត្ថកិច្ចឃាត់ខ្លួន ក្នុងករណីរំលោភសេពសន្ថវៈ ស្ត្រីឈ្មោះ ស.គ.ធ អាយុ ២២ឆ្នាំ ជាកម្មកររោងចក្រកាត់ដេរ រហូតបានសម្រេច ហើយជនរងគ្រោះនិងក្រុមគ្រួសារ ជាអ្នកប្ដឹងឲ្យសមត្ថកិច្ច ជួយឃាត់ខ្លួនរកយុត្តិធម៌។ ស្ត្រីរងគ្រោះបាននិយាយថា នាងមិនដែលមានទំនាក់ទំនង មនោសញ្ចេតនាស្នេហា ជាមួយជនជាប់ចោទរូបនេះឡើយ ដោយនាងបានជួលផ្ទះ នៅបន្ទប់ជាន់ទី៣ ឯជនជាប់ចោទ នៅបន្ទប់ជាន់ក្រោម។
ស្ត្រីរងគ្រោះបានបន្តថា ខណៈដែលនាងកំពុង នៅក្នុងបន្ទប់តែម្នាក់ឯង ពុំបានចាក់សោទ្វារ ក៏ត្រូវជនសង្ស័យមកចាប់ខ្ទប់មាត់ និងរំលោភរហូតបានសម្រេច ហើយគេចខ្លួន ទៅបន្ទប់របស់គេវិញ។ ប្រហែល ១ម៉ោងក្រោយមក បងប្អូននាងមកដល់ ទើបនាងប្រាប់អំពីករណីនេះ ហើយនាំគ្នាទៅប្តឹងប៉ូលិស ឲ្យមកឃាត់ខ្លួនជនសង្ស័យតែម្តង។ យ៉ាងណាក៏ដោយ នៅពេលប៉ូលិសសួរនាំ ជនសង្ស័យបានបដិសេធថា ពុំបានចាប់រំលោភទេ គឺស្រលាញ់គ្នា រយៈពេល ១សប្ដាហ៍មកហើយ តែនាងបានចោទប្រកាន់ ពីបទ រំលោភសេពសន្ថវៈ៕
Source from: watphnom-news.com
Loading...
Post a Comment