ខេត្តកណ្តាល៖សាកសពបុរសម្នាក់បានអណ្តែតទឹកទន្លេបាសាក់ត្រូវបានប្រជាពលរដ្ឋប្រទះឃើញកាលពីវេលាម៉ោង៧និង៣០នាទីព្រឹកថ្ងៃទី១៨ខេត្តកណ្តាល ៖ សាកសពបុរសម្នាក់ បានអណ្តែតទឹកទន្លេបាសាក់ ត្រូវបានប្រជាពលរដ្ឋប្រទះឃើញ កាលពីវេលាម៉ោង ៧និង៣០ នាទីព្រឹកថ្ងៃទី១៨ ខែធ្នូ ឆ្នាំ២០១៣ នៅចំណុចមាត់ច្រាំង ទន្លេបាសាក់ ក្នុងភូមិលេខ១ ឃុំស្វាយរលំស្រុកស្អាង បង្កឲ្យមានការភ្ញាក់ផ្អើល នាំគ្នាទៅចោមរោមមើល ហើយសមត្ថកិច្ចនគរបាល ក៏បានចុះទៅត្រួតពិនិត្យ នៅកន្លែងកើតហេតុផងដែរ ។
ស្ត្រីម្នាក់ឈ្មោះ ជួន ស្រីណា អាយុ ៣៤ឆ្នាំ ដែលត្រូវជាប្រពន្ធ ជនរងគ្រោះបានរៀបរាប់ថា ប្តីគាត់មានឈ្មោះ វណ្ណ ណេត ហៅ ផា ភាព ភេទប្រុស អាយុ ៣៨ឆ្នាំ មុខរបរកម្មករ មានប្រពន្ធ និងកូន បច្ចុប្បន្នស្នាក់នៅម្តុំផ្សារក្រមួន សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ និងមានស្រុកកំណើតនៅភូមិលេខ១ ឃុំស្វាយរលំស្រុកស្អាង ខេត្តកណ្តាល មានជំងឺប្រសៃប្រសាទប្រចាំកាយ ជាយូរមកហើយ។
មុនពេលកើតហេតុគឺនៅថ្ងៃទី១៥ ខែធ្នូ ឆ្នាំ២០១៣ បុរសជាប្តីបានប្រាប់ប្រពន្ធថា មកលេងផ្ទះម្តាយនៅ ភូមិលេខ១ ឃុំស្វាយរលំ ស្រុកស្អាង ខេត្តកណ្តាល ហើយជនរងគ្រោះ បានដើរចេញពីផ្ទះ នៅសង្កាត់ចាក់អង្រែក្រោម ខណ្ឌមានជ័យ ឡើងជិះម៉ូតូឌុបចេញបាត់ទៅ ។ ក្រោយពីប្តីចេញពីផ្ទះ បាត់មួយថ្ងៃស្ត្រីជាប្រពន្ធ បានទូរស័ព្ទសួរម្តាយក្មេក ហើយម្តាយបានបញ្ជាក់ថា ក្រោយពីផឹកស្រាជាមួយមិត្តភក្តិហើយនោះ ប្តីរបស់កូនទៅផ្ទះវិញ តាំងពីល្ងាចថ្ងៃទី១៥ មកម្ល៉េះ ។
បន្ទាប់ពីបានឮម្តាយក្មេក និយាយយ៉ាងដូច្នេះ ស្ត្រីជាប្រពន្ធបានតាមរកប្តី តែរកមិនឃើញ រហូតដល់វេលាម៉ោងប្រមាណ ៧ព្រឹកស្រាប់តែទទួលដំណឹងថា ប្តីរបស់គាត់ស្លាប់ អណ្តែតទឹកទន្លេបាសាក់ បាត់ទៅហើយ ។ មន្ត្រីជំនាញបានសន្និដ្ឋានថា ជនរងគ្រោះស្លាប់ ដោយសាលង់ទឹក ខណៈដែលចុះងូតទឹកទន្លេបាសាក់ ក្រោយពីស្រវឹងស្រា ព្រោះនៅលើខ្លួនប្រាណ របស់សាកសព ពុំមានស្លាកស្នាមអ្វីគួឲ្យកត់ សម្គាល់នោះទេ៕
Source from: watphnom-news.com
Loading...
Post a Comment