ខេត្តកំពង់ឆ្នាំង៖យុវជន២នាក់ក្នុងចំណោម៣នាក់ត្រូវគូជម្លោះជិះម៉ូតូតាមកាប់ពីក្រោយបណ្តាលឲ្យរងរបួសធ្ងន់ខេត្តកំពង់ឆ្នាំង ៖ យុវជន ២នាក់ក្នុងចំណោម ៣នាក់ ត្រូវគូជម្លោះជិះម៉ូតូ តាមកាប់ពីក្រោយ បណ្តាលឲ្យរងរបួសធ្ងន់ ត្រូវបានដឹកមកសង្គ្រោះ នៅមន្ទីរពេទ្យបង្អែកខេត្តកំពង់ឆ្នាំង កាលពីវេលាម៉ោង ៦និង៤៥ នាទីយប់ថ្ងៃទី១៧ ខែធ្នូ ឆ្នាំ២០១៣នៅមុខសណ្ឋាគារទន្លេសាប នៅសង្កាត់ខ្សាម ក្រុងកំពង់ឆ្នាំង ហើយសមត្ថកិច្ច បានសន្និដ្ឋានថា ករណីនេះផ្តើមចេញពីគំនុំ។
ជនរងគ្រោះមានឈ្មោះ រស់ ភារុំ អាយុ ២២ឆ្នាំ និងម្នាក់ទៀត ឈ្មោះ ស៊ឹម សុភា អាយុ ២៣ឆ្នាំ ជនរងគ្រោះទាំង ២នាក់នេះរស់នៅក្នុងភូមិទី៧ សង្កាត់ខ្សាម ក្រុងកំពងឆ្នាំង ខេត្តកំពង់ឆ្នាំង រងរបួសធ្ងន់ ត្រង់ក្បាលផ្នែកខាងក្រោយ ។ ជនងរងគ្រោះ បានប្រាប់ឲ្យដឹងថា នៅមុនពេលកើតហេតុ ពួកគេមានគ្នា ៣នាក់បានជិះម៉ូតូ ត្រឡប់ចេញពីរៀន ភាសារកូរ៉េ នៅក្បែរវិទ្យាល័យ ព្រះបាទសុរាម្រឹត ដើម្បីមកផ្ទះ ហើយឈ្មោះ រាក់ ជាអ្នកបើកម៉ូតូ ។
ក្នុងពេលជិះម៉ូតូតាមផ្លូវ ស្រាប់តែមានម៉ូតូ មួយគ្រឿងជិះគ្នា ២នាក់បើកតាមពីក្រោយ ប៉ុន្តែពួកគេមិនបានចាប់អារម្មណ៍នោះឡើយ ។ ស្រាប់តែមកដល់មុខ សណ្ឋាគារទន្លេសាប ក៏ត្រូវជនមិនស្គាល់មុខដែលជិះម៉ូតូតាមនោះ ទាញដាវកាប់មកលើ ពួកគេតែម្តង បណ្តាលអោយរងរបួសធ្ងន់ ២នាក់ដែលអង្គុយនៅខាងក្រោយ ហើយក្រោយពេលកើតហេតុ ជនបង្កបានបើម៉ូតូ រត់គេចបាត់ស្រមោលតែម្តង៕
Source from: watphnom-news.com
Loading...
Post a Comment