រាជធានីភ្នំពេញ៖ស្ត្រីម្នាក់បានចាក់សម្លាប់កូនខ្លួនឯងបណ្តាលឲ្យកូនប្រុសអាយុ៦ឆ្នាំស្លាប់បាត់បង់ជីវិតនិងកូនស្រីអាយុ១៧ឆ្នាំរាជធានីភ្នំពេញ ៖ ស្ត្រីម្នាក់បានចាក់សម្លាប់កូនខ្លួនឯង បណ្តាលឲ្យកូនប្រុសអាយុ ៦ឆ្នាំស្លាប់បាត់បង់ជីវិត និងកូនស្រី អាយុ ១៧ឆ្នាំ រងរបួសធ្ងន់ ត្រូវនាំទៅសង្គ្រោះ នៅមន្ទីរពេទ្យ កាល់ម៉ែត រួចហើយស្ត្រីជាម្តាយ បានចាក់សម្លាប់ខ្លួនឯងតាមក្រោយ បង្កឲ្យមានការភ្ញាក់ផ្អើល កាលពីពាក់កណ្តាលអាធ្រាត្រ ថ្ងៃទី៥ ខែធ្នូ ឆ្នាំ២០១៣ ស្ថិតនៅផ្ទះជនរងគ្រោះ ក្នុងសង្កាត់ចតុមុខ ខណ្ឌដូនពេញ ខាងជើងវត្តបុទុមវត្តី។
បើតាមសម្តីឈ្មោះ ពិល តៃស្រ៊ាន អាយុ ៦២ឆ្នាំ ត្រូវជាម្តាយរបស់ស្ត្រីឈ្មោះ យន់ សូនីតា អាយុ៤១ឆ្នាំ និយាយថា នៅមុនពេលកើតហេតុ គាត់បានបិទហាងលក់ដូរ នៅម៉ោងជាង ១រំលងអធ្រាត្រ ចូលដេកដូចសព្វដង ហើយគាត់បានឮកូនស្រីរបស់គាត់ (ស្ត្រីដៃដល់) និយាយទូរស័ព្ទទៅប្តី ជាអាណិកជននៅបរទេស ទំនងជាសុំលុយប្តីមិនបាន ក៏កើតការខឹងសម្បា បែកគំនិតចាក់សម្លាប់កូនស្រី ឈ្មោះ សេង ប៊ុនរ៉ាវី ហៅលីហ្សា អាយុ ១៧ឆ្នាំ របស់ខ្លួនបណ្តាលឲ្យរងរបួសធ្ងន់។
ភ្លាមៗនោះជីដូន ដែលនៅក្នុងផ្ទះជាមួយគ្នាបានដឹងទាន់ ក៏ជួយឃាត់ ហើយដឹកបញ្ជូនកូនស្រីរងគ្រោះ ទៅកាន់មន្ទីរពេទ្យកាល់ម៉ែត ដោយធ្វើដំណើរទៅជាមួយកូនស្រីម្នាក់ទៀត ហើយចាក់សោរផ្ទះ ដោយទុកឲ្យស្ត្រី ជាម្តាយនៅជាមួយកូនប្រុសរងគ្រោះ។ រហូតដល់ម៉ោងជាង ៦ព្រឹកថ្ងៃទី៥ ខែធ្នូ ឆ្នាំ២០១៣ នៅពេលសមត្ថកិច្ច និងសាច់ញាតិ បានបើកទ្វារផ្ទះ គេឃើញស្ត្រីជាម្តាយ និងកូនប្រុសឈ្មោះ សេង អាមីសេល អាយុ ៦ឆ្នាំ ដេកស្លាប់ នៅក្នុងថ្លុកឈាមបាត់ទៅហើយ៕
Source from: watphnom-news.com
Loading...
Post a Comment