សមាជិក​រាជរដ្ឋាភិបាល​អាណត្តិ​ទី​៥​មួយ​រូប​ទទួលមរណភាព​

12/06/2013 05:00:00 AM

ប្រភពព័ត៌មានច្បាស់ការណ៍ពីខេត្តកណ្តាល បានឲ្យដឹងថា សមាជិករាជរដ្ឋាភិបាលអាណត្តិទី៥មួយរូប គឺឯកឧត្តម ឃឹម បូរ រដ្ឋលេខាធិការទីស្តីការគណៈរដ្ឋមន្ត្រី បានទទួលមរណភាពហើយនៅថ្ងៃទី០៥ ខែធ្នូ ឆ្នាំ២០១៣នេះ ដោយរោគាពាធ ។

សពរបស់ឯកឧត្តម ឃឹម បូរ បានតម្កល់ទុកនៅលំនៅឋាននៃសពនៅក្រុងតាខ្មៅ ខេត្តកណ្តាល ដើម្បីរៀបចំចាត់ចែងធ្វើបុណ្យតាមប្រពៃណី ។

ឯកឧត្តម ឃឹម បូរ អតីតរដ្ឋលេខាធិការទីស្តីការគណៈរដ្ឋមន្ត្រីកាលពីរាជរដ្ឋាភិបាលអាណត្តិទី៤ និងត្រូវបានតែងតាំងជារដ្ឋលេខាធិការទីស្តីការគណៈរដ្ឋមន្ត្រីបន្តទៀតនៅអាណត្តិទី៥នេះ ដោយព្រះរាជក្រឹត្យលេខនស/រកត/០៩១៣/៩០៣ ចុះថ្ងៃទី២៤ ខែកញ្ញា ឆ្នាំ២០១៣ ។ ឯកឧត្តម ឃឹម បូរ ក៏ធ្លាប់បានធ្វើជាអភិបាលខេត្តកណ្តាលផងដែរ ៕

Khoem-Bo

Source from: www.dtn7.com