ដកកាំភ្លើងទំនើបបាញ់មេឃជាង ១០គ្រាប់ដើម្បីរំសាយកំហឹង ត្រូវប៉េអឹមឃាត់ខ្លួនទាំងយប់
រាជធានីភ្នំពេញ៖បុរសម្នាក់ជាមន្ត្រីកងរាជអាវុធហត្ថលើផ្ទៃប្រទេសខឹងជនដៃដល់មួយក្រុមដែលព្រួតវាយតប់ក្មួយប្រុសក៏បានដកកាំភ្លើងបាញ់គំរាមជាងរាជធានីភ្នំពេញ ៖ បុរសម្នាក់ជាមន្ត្រី កងរាជអាវុធហត្ថលើផ្ទៃប្រទេស ខឹងជនដៃដល់មួយក្រុម ដែលព្រួតវាយតប់ក្មួយប្រុស ក៏បានដកកាំភ្លើង បាញ់គំរាមជាង ១០គ្រាប់ បង្កឲ្យមានការភ្ញាក់ផ្អើល ក៏ត្រូវសមត្ថកិច្ច កងរាជអាវុធហត្ថ ធ្វើការឃាត់ខ្លួនតែម្តង កាលពីវេលាម៉ោង ១១និង៣០ នាទីយប់ថ្ងៃទី៩ ខែមករា នៅត្រង់ចំណុចផ្លូវលេខ១២៨ កែង១០៩ សង្កាត់មិត្តភាព ខណ្ឌ៧មករា ។
មុនពេលកើតហេតុជនដៃដល់ មានគ្នា ៣នាក់ជិះម៉ូតូ ២គ្រឿងម៉ាកសេ ១២៥ ពណ៌ខ្មៅ និងម៉ាក Today បាននាំគ្នា ព្រួតវាយយុវជនម្នាក់ ដែលត្រូវជាក្មួយប្រុស របស់លោកអនុសេនីយ៍ឯក ហោ តាំងសូ ភេទប្រុស អាយុ ៣៣ឆ្នាំ ជាមន្ត្រីកងរាជអាវុធហត្ថ លើផ្ទៃប្រទេស ស្នាក់នៅជិតកន្លែងកើតហេតុ នៅផ្ទះជាន់ទី១ សង្កាត់មិត្តភាព ខណ្ឌ៧មករា ខណៈដែលកំពុងតែ ប្រតាយប្រតប់គ្នា ស្រាប់តែកម្លាំង កងរាជអាវុធហត្ថខណ្ឌ ៧មករា ២នាក់ល្បាតក្នុងមូលដ្ឋាន ប្រទះឃើញជនដៃដល់ បាននាំគ្នាឡើងជិះម៉ូតូ គេចខ្លួនបាត់អស់ទៅ ។
បន្ទាប់ពីជនដៃដល់ គេចខ្លួនបាត់អស់ ស្រាប់តែលោក ហោ តាំងសូ បានរត់ចេញពីក្នុងផ្ទះ នៅ ជិតកន្លែងកើតហេតុ មកដល់បានសួរថា នរណាវាយក្មួយរបស់គាត់ ពេលដែលដឹងថា ជនដៃដល់គេចខ្លួនអស់ ស្រាប់តែគាត់ បានដកកាំភ្លើងខ្លីម៉ាក P42 បាញ់ចំនួន ៥គ្រាប់ជាប់ៗគ្នា មិនអស់ចិត្តទេ បានបាញ់ជាច្រើនគ្រាប់បន្តទៀត សរុបទាំងអស់ជាង ១០គ្រាប់ ដោយបាញ់នៅមុខ មន្ត្រីកងរាជអាវុធហត្ថខណ្ឌ ៧មករា ២នាក់ ជាអ្នកចាំរើសសំបកកាទុស បានជាច្រើន គ្រាប់យកទៅរក្សាទុក និងបានឃាត់ខ្លួនលោក ហោ តាំងសូ ដលម្បីចាត់ការតាមនីតិវិធី ៕
Source from: watphnom-news.com
Loading...
Post a Comment