ស្ត្រីវ័យក្មេងនៅផ្ទះម្នាក់ឯង ត្រូវក្រុមចោរយកកាំបិតចាក់និងអារក ប្លន់យកទ្រព្យសម្បត្ដិ
រាជធានីភ្នំពេញ៖ស្ដ្រីវ័យក្មេងម្នាក់ត្រូវបានបញ្ជូនមកកាន់មន្ទីរពេទ្យកាល់ម៉ែតដើម្បីជួយសង្គ្រោះបន្ទាប់ពីបានរងរបួសធ្ងន់ដោយស្នាមកាំបិតចាក់និងអារករាជធានីភ្នំពេញ ៖ ស្ដ្រីវ័យក្មេងម្នាក់ត្រូវបានបញ្ជូន មកកាន់មន្ទីរពេទ្យកាល់ម៉ែត ដើម្បីជួយសង្គ្រោះ បន្ទាប់ពីបានរងរបួសធ្ងន់ ដោយស្នាមកាំបិតចាក់ និងអារក ពីសំណាក់ជនសង្ស័យ ៤-៥ នាក់ នៅផ្ទះក្បែរខាង ដែលបានចូលទៅ ធ្វើសកម្មភាពប្លន់យកទ្រព្យសម្បត្ដិ កាលពីវេលាម៉ោង ១១យប់ថ្ងៃទី០៦ ខែមករា ឆ្នាំ២០១៤ ស្ថិតនៅភូមិគ្រួស សង្កាត់សំរោង ខណ្ឌសែនសុខ។
ស្ដ្រីរងគ្រោះមានឈ្មោះ អាត ស្រីណែត អាយុ ២២ឆ្នាំ មុខរបរកាត់ដេរ ស្នាក់នៅក្នុងផ្ទះតែម្នាក់ឯង ពេលនោះជនសង្ស័យ ៤-៥ នាក់ ខ្លះនៅក្រោមផ្ទះ និងខ្លះទៀតឡើងទៅលើផ្ទះបានសុំលុយចាយ ប៉ុន្ដែស្ដ្រីរងគ្រោះមិនឲ្យ ទើបពួកគេព្រួតគ្នា យកកាំបិតចុងស្រួច ចាក់លើដងខ្លួន និងចាប់អារក បណ្ដាលឲ្យរងរបួសធ្ងន់ រួចហើយគេចខ្លួនបាត់អស់។
ក្រោយពេលកើតហេតុ ប្រជាពលរដ្ឋ នៅក្បែរផ្ទះស្ដ្រីរងគ្រោះ បានហៅរថយន្ដរបស់មន្ទីរពេទ្យកាល់ម៉ែត ដឹកយកទៅសង្គ្រោះភ្លាមៗ ប៉ុន្ដែជនសង្ស័យម្នាក់ ត្រូវបានប្រជាពលរដ្ឋស្គាល់ឈ្មោះ ដែលជាអ្នករស់នៅ ក្បែរផ្ទះស្ដ្រីរងគ្រោះ។ បច្ចុប្បន្នកម្លាំងសមត្ថកិច្ចមូលដ្ឋាន បាននឹងកំពុងធ្វើការស្រាវជ្រាវ ដើម្បីចាប់ខ្លួន ជនសង្ស័យទាំងនេះ មក ផ្តន្ទាទោស តាមផ្លូវច្បាប់៕
Source from: watphnom-news.com
Loading...
Post a Comment