បុរសមានសតិមិនគ្រប់ ខឹងប្រពន្ធមិនឲ្យរួមភេទ គប់មួយចានបែកក្បាល ហូរឈាមកក្លាក់
ខេត្តបាត់ដំបង៖សមត្ថកិច្ចនគរបាលបានឃាត់ខ្លួនបុរសមានសតិមិនគ្រប់ម្នាក់ពាក់ព័ន្ធករណីប្រើអំពើហិង្សាក្នុងគ្រួសារដោយសារខឹងប្រពន្ធមិនឲ្យរួមភេទ ខេត្តបាត់ដំបង ៖ សមត្ថកិច្ចនគរបាល បានឃាត់ខ្លួន បុរសមានសតិមិនគ្រប់ម្នាក់ ពាក់ព័ន្ធករណីប្រើអំពើហិង្សា ក្នុងគ្រួសារដោយសារ ខឹងប្រពន្ធមិនឲ្យរួមភេទ កាលពីរសៀលថ្ងៃទី២១ ខែកុម្ភៈ ឆ្នាំ២០១៤ នៅឃុំកន្ទឺ២ ស្រុកបាណន់ខេត្តបាត់ដំបង បន្ទាប់ពីជនសង្ស័យ បានយកកាំបិតប៉័ងតោ វាយកូនឲ្យរបួស និងយកចានគប់ប្រពន្ធ បណ្តាលបែកក្បាល។
បុរសដែលប្រើហិង្សា ក្នុងគ្រួសារនេះ មានឈ្មោះ យួម ខាន់ អាយុ ៤៣ឆ្នាំ មានជំងឺឡប់សតិ មានប្រពន្ធឈ្មោះ ឃិន បៀន អាយុ ៤៣ឆ្នាំ រងរបួសក្បាល និងកូនប្រុសឈ្មោះ ខាន់ វណ្ណនី អាយុ ១៧ឆ្នាំ រងរបួសក្បាលទាំង ៣នាក់ មានទីលំនៅក្នុងឃុំកន្ទឺ២ ស្រុកបាណន់។ មុនពេលកើតហេតុ ក្រុមគ្រួសារខាងលើ បាននាំគ្នាបូមស្រះចាប់ត្រី ក្នុងភូមិឃុំកន្ទឺ១ ហើយបន្ទាប់ពីបានត្រី ឪពុកបានប្រដៅកូនប្រុស ឲ្យជួយធ្វើត្រី តែកូនប្រុស មិនបានជួយទេ ទើបបុរសជាឪពុកបានដកកាំបិតប៉័ងតោ វាយកូនមយយកាំបិត បណ្តាលឲ្យបែកក្បាល។
នគរបាលបានឃាត់ខ្លួន ជនសង្ស័យដើម្បីសួរនាំ រួចឲ្យត្រឡប់ទៅវិញ ហើយរហូតដល់ម៉ោង៤ ទៀបភ្លឺព្រឹកថ្ងៃទី២១ ខែកុម្ភៈ ឆ្នាំ២០១៤ បុរសសង្ស័យ បានយកចានគប់ប្រពន្ធ បណ្តាលឲ្យបែកក្បាល ហើយប្រពន្ធបានប្តឹងនគរបាល ឲ្យឃាត់ខ្លួនជាថ្មីម្តងទៀត។ ពាក់ព័ន្ធករណីនេះ បុរសសង្ស័យឡប់សតិ បានអះអាងថា ខ្លួនខឹងប្រពន្ធមិនឲ្យរួមភេទ ក៏ប្រើហិង្សាលើស្ត្រីជាប្រពន្ធ ហើយបុរសសង្ស័យ មានកម្លាំងខ្លាំងពេលរួមភេទម្តងៗ ប្រពន្ធទ្រាំមិនបាន ទើបរកលេសបដិសេធ ជាញឹកញាប់៕
Source from: watphnom-news.com
Loading...
Post a Comment