បែកធ្លាយរឿងលោកស្រី ព្រំ វណ្ណា ប្រធានមន្ទីរពាណិជ្ជកម្ម ខេត្តបាត់ដំបង ឃុបឃិតជាមួយផ្នែករដ្ឋបាល ប្រព្រឹត្តអំពើពុករលួយតាមតែអំពើចិត្ត
ខេត្តបាត់ដំបង៖កាលពីថ្ងៃទី២៧ខែមីនាឆ្នាំ២០១៤មន្ត្រីបុគ្គលិកមន្ទីរពាណិជ្ជកម្មខេត្តបាត់ដំបងបានត្អូញត្អែរថាខេត្តបាត់ដំបង ៖ កាលពីថ្ងៃទី២៧ ខែមីនា ឆ្នាំ២០១៤ មន្ត្រីបុគ្គលិកមន្ទីរពាណិជ្ជកម្ម ខេត្តបាត់ដំបង បានត្អូញត្អែរថា លោកស្រី ព្រំ វណ្ណា ប្រធានមន្ទីរពាណិជ្ជកម្ម បានក្តោបការងារ និងបង្ហាញភាពអំនួតក្អេងក្អាង លាក់បាំងការពិត ដើម្បីផលប្រយោជន៍ផ្ទាល់ខ្លួន កិបកេងប្រាក់បៀវត្សរ៍ លាក់ទុកឈ្មោះមន្ត្រីខ្មោច ដែលគ្មានវត្តមានមកបំពេញការងារ តែមានឈ្មោះបើកប្រាក់ខែជាប់ជាប្រចាំ កិបកេងប្រាក់មន្ត្រីជាប់កិច្ចសន្យា និងកាត់ប្រាក់បុគ្គលិក តាមតែអំពើចិត្ត។
ប្រភពបានអោយដឹងថា ទឹកប្រាក់ដែលលោកស្រី ព្រំ វណ្ណា កិបកេងរួមមាន ប្រាក់ឧបត្ថម្ភមន្ត្រីរាជការ អ្នកជម្ងឺមានជាង ២០លានរៀល ក្នុងមួយឆ្នាំ ដោយដកពីរតនាគារ ៥០០០០០ រៀលរហូតដល់ ១០០០០០ រៀល និងបង្ខំអោយមន្ត្រីក្រោមឱវាទ ចុះហត្ថលេខាទទួល ពេលបានប្រាក់ចែកឲ្យ កូនចៅក្រោមឱវាទ ម្នាក់ ៥ទៅ១០ ម៉ឺនរៀលប៉ុណ្ណោះ។ ឈ្មោះអ្នកស្លាប់ ៣នាក់ទឹកប្រាក់ ១១,៣៤៩ លានរៀល ក្រសួងបានឲ្យលុបឈ្មោះ ចេញពីក្របខណ្ឌ និងបញ្ជីបើកប្រាក់ខែ លោកស្រីប្រធាន មិនលុបទុកបើកយកខ្លួនឯង។ ប្រាក់បៀរត្ស៍បុគ្គលិក ជាប់កិច្ចសន្យាមានតែឈ្មោះ មិនមានមុខមកធ្វើការងារ មានទឹកប្រាក់ ២០លានរៀល ក្នុងមួយឆ្នាំ។
ដោយឡែកប្រេងឥន្ធនៈ រាប់រយប៊ីដុង សំរាប់បន្ត្រីពាណិជ្ជកម្ម ចុះបេសកកម្មការងារ បែរជាអោយអ្នកផ្សេង មិនដឹងមកពីណា ដឹកទៅទាំងគោយន្ត។ ប្រាក់ទទួលភ្ញៀវក្នុងមួយឆ្នាំ ៤០លានរៀល ទោះមានភ្ញៀវ ឬមិនមានភ្ញៀវ ត្រូវតែធ្វើឯកសារ ចំណាយអោយអស់ ទឹកប្រាក់ផងដែរ។ នៅខែមករា ឆ្នាំ២០១៤ ក្រសួងពាណិជ្ជកម្ម បានយកចិត្តទុកដាក់ ដល់មន្ត្រីរាជការក្រោមឱវាទ បានផ្តល់ប្រាក់ឧបត្ថម្ភ លើកទឹកចិត្តប្រចាំខែ តាមឋានានុក្រម តែគួរឲ្យអនិច្ចារ លោកស្រីនិងការិយាល័យរដ្ឋបាល ឃុបឃិតគ្នាកាត់យកអស់ សរុបចំនួន ២០០០០០០ រៀល មិនតែប៉ុណ្ណោះ ប្រាក់ខែកាត់ចំនួន ៣០០០រៀល ជារៀងរាល់ខែ ទើបមន្ត្រីទាំងអស់កើតរឿងក្តៅក្រហាយយ៉ាងខ្លាំង។
ចំពោះការងារ ដែលទាក់ទងផលប្រយោជន៍ លោកស្រីប្រធាន គាត់ទទួលធ្វើម្នាក់ឯង ហើយមិនគិតថា អង្គុយធ្វើលើម៉ោង យប់ឬថ្ងៃឡើយ។ ប្រភពបានបញ្ជាក់ថា មន្ត្រីទាំងអស់ បានសំណូមពរឲ្យថ្នាក់លើ ឬអង្គភាពប្រឆាំងអំពើពុករលួយ ចុះធ្វើអធិការកិច្ច នៅមន្ទីរពាណិជ្ជកម្ម ខេត្តបាត់ដំបង ជាបន្ទាន់ផង កុំឲ្យលោកស្រីប្រធាន ធ្វើអ្វីៗតាមតែអំពើចិត្ត។ ពាក់ព័ន្ធករណីនេះ លោកស្រី ព្រំ វណ្ណា ប្រធានមន្ទីរពាណិជ្ជកម្ម ខេត្តបាត់ដំបង មិនលើកទូរស័ព្ទ នៅពេលអ្នកកាសែត ព្យាយាមសុំការបំភ្លឺ៕ ដោយ សុខជា
Source from: watphnom-news.com
Loading...
Post a Comment