ប្តីចុះចោលបាត់ដំណឹងហើយធ្លាក់ខ្លួនឈឺ គ្មានលុយទិញបាយឲ្យកូនហូប ៣ថ្ងៃមកហើយ
ខេត្ដស្វាយរៀង៖ស្ដ្រីដ៏កម្សត់ម្នាក់មានកូន២នាក់ក្នុងបន្ទុករស់នៅក្នុងអគាររបស់រដ្ឋរហូតដល់ពេលនេះបានធ្លាក់ខ្លួនឈឺធ្ងន់មិនអាចប្រកបខេត្ដស្វាយរៀង ៖ ស្ដ្រីដ៏កម្សត់ម្នាក់មានកូន ២នាក់ ក្នុងបន្ទុករស់នៅក្នុងអគាររបស់រដ្ឋ រហូតដល់ពេលនេះ បានធ្លាក់ខ្លួនឈឺធ្ងន់ មិនអាចប្រកប កិច្ចការងារអ្វីបាន គ្មានប្រាក់ចំណូលនាំឱ្យកូនតូច ២នាក់ ដាច់បាយដាច់ទឹក អស់រយៈពេល៣ថ្ងៃ មកហើយ ទើបស្ដ្រីជាម្ដាយ ដែលមានរូបរាងស្គាំងស្គម ស្បែកដណ្ដប់ឆ្អឹង បានលើកដៃប្រណម ស្វែងរកសប្បុរសជន ឱ្យជួយដល់គូនៗរបស់គាត់ដែលកំពុង ខ្វះខាតផ្នែកជីវភាព។
ស្ដ្រីមេម៉ាយដ៏កម្សត់ម្នាក់នេះ មានឈ្មោះ ញឹក ចំរើន អាយុ ៤៤ឆ្នាំ បច្ចុប្បន្នស្នាក់នៅ ក្នុងអគារបាក់បែកនៃសាលា នយោបាយរបស់រដ្ឋ ស្ថិតនៅក្នុងភូមិប្រសូត្រ១ ឃុំកណ្ដៀងរាយ ស្រុក ស្វាយទាប ខេត្ដស្វាយរៀង បានឱ្យដឹងថា គាត់មានកូនស្រី ២នាក់ នៅក្នុងបន្ទុក ក្រោយពីចែកផ្លូវជាមួយប្ដី ។ កូនស្រីដែលរស់នៅជាមួយគាត់ នាពេលបច្ចុប្បន្ននេះទី១ -ឈ្មោះ យឿន បញ្ញា អាយុ ១០ឆ្នាំ រៀននៅថ្នាក់ទី៦ និងទី២-ឈ្មោះ យឿន ស្រីពេជ្រ អាយុ ១០ខែ ។
ដើមឡើយឈ្មោះ ញឹក ចំរើន បានរួមរស់ជាមួយប្ដី ឈ្មោះ យ៉ត អាយុ ៣១ឆ្នាំ មានស្រុកកំណើត នៅខេត្ដបន្ទាយមានជ័យ តែងតែកើតមាន ជម្លោះស្ទើររាល់ថ្ងៃ ព្រោះតែប្ដីរបស់គាត់ផឹកស្រាស្រវឹង ព្រឹកល្ងាចមិនជួយ ធ្វើការងារប្រពន្ធ រហូតដល់ឆ្លងទន្លេ។ លុះដល់កូនស្រី ក្រោយឆ្លងទន្លេបាន ២ខែ ប្ដីរបស់គាត់ក៏បាន ចុះចោលផ្ទះបាត់រហូតតែម្ដង ។ រហូតដល់កូនបាន ៤ខែនិងក្រោយពីប្ដីបានចុះចោលផ្ទះ មិនទទួលខុសត្រូវ គាត់បានទៅស៊ីឈ្នួល យកប្រាក់មកចិញ្ចឹមកូនស្រីទាំង២ ។
តែពេលនេះគាត់ក៏ធ្លាក់ខ្លួនឈឺធ្ងន់ ដេកជាប់នឹងកន្ទេល ហើយអង្ករក៏អស់ពីធុង គ្មានអ្វីដាំបាយ ឱ្យកូនហូប ហើយក៏គ្មានប្រាក់នឹងទិញ ទឹកដោះគោឱ្យកូនស្រីពៅ បៅនោះដែរ ។ រយៈពេល ៣ថ្ងៃ មកហើយដែលគាត់ និងកូនៗដាច់អាហារ ហើយការដែលអាចបន្ដរស់ ដោយត្រដាបត្រដួសនេះបាន ក៏ព្រោះតែអ្នកភូមិនិងអ្នកជិតខាង បានយកបាយសម្លមកឱ្យ។ ស្ដ្រីមេម៉ាយឈ្មោះ ញឹក ចំរើន បានលើកដៃសំពះ និងអំពាវនាវដល់ សប្បុរសជនជិតឆ្ងាយ ឱ្យជួយដល់រូបគាត់និងកូនៗ ដែលកំពុងខ្វះខាត ដោយក្តីសណ្តោសផង៕
Source from: watphnom-news.com
Loading...
Post a Comment