មកពីផឹករកប្រពន្ធមិនឃើញ ផឹកថ្នាំពុលបាញ់កក់ប៉ងសម្លាប់ខ្លួន មិនដឹងសង្គ្រោះបានឬអត់ ?
ខេត្តកំពង់ឆ្នាំង៖បុរសម្នាក់ត្រូវបានក្រុមគ្រួសារដឹកបញ្ជូនមកមន្ទីរពេទ្យបង្អែកខេត្តដើម្បីឲ្យក្រុមគ្រូពេទ្យជួយសង្គ្រោះជីវិតបន្ទាប់ពីជនរងគ្រោះបានគិតខ្លីផឹកថ្នាំពុលបាញ់កក់ប៉ងសម្លាប់ខ្លួនកាលពីវេលាម៉ោងខេត្តកំពង់ឆ្នាំង ៖ បុរសម្នាក់ត្រូវបានក្រុមគ្រួសារ ដឹកបញ្ជូនមកមន្ទីរពេទ្យបង្អែកខេត្ត ដើម្បីឲ្យក្រុមគ្រូពេទ្យជួយសង្គ្រោះជីវិត បន្ទាប់ពីជនរងគ្រោះបានគិតខ្លី ផឹកថ្នាំពុលបាញ់កក់ប៉ងសម្លាប់ខ្លួន កាលពីវេលាម៉ោង ៧និង១៥ នាទីយប់ នៅក្នុងភូមិទ្រាជើង ឃុំស្រែថ្មី ស្រុករលាប្អៀរ។ ក្រុមគ្រូពេទ្យ បានឲ្យដឹងថា ថ្នាំបាញ់កក់នេះ មានជាតិពុលខ្លាំងណាស់ ពេលបាញ់ស្មៅឡើងស្លោកងាប់ ពេលគេផឹកចូលពោះបែបនេះ មិនដឹងថាក្រពះពោះវៀន រលាករលួយ យ៉ាងណានោះទេ។
ស្ត្រីជាប្រពន្ធមានឈ្មោះ ហម សុភា អាយុ ២៦ឆ្នាំ មានកូន ៤នាក់ រស់នៅភូមិកើតហេតុ ខាងលើ បានអោយដឹងថា ប្តីរបស់គាត់ឈ្មោះ សេង ទិត្យ អាយុ ២៦ឆ្នាំ ជាអ្នកប្រមឹកស្រា ជារៀងរាល់ថ្ងៃ ពេលមកដល់ផ្ទះ តែងតែរករឿងវាយធ្វើបាបគាត់។ មុនពេលកើតហេតុ បុរសជាប្តីបានត្រលប់ ពីផឹកស្រវឹងមកដល់ផ្ទះវិញ នៅវេលាម៉ោងជាង ៤ល្ងាច គាត់ខ្លាចប្តីរករឿងវាយតប់ដូចរាល់ថ្ងៃទៀត ក៏បានគេចខ្លួនទៅផ្ទះម្តាយ នៅទល់មុខផ្ទះ ។
នៅពេលយប់បន្តិច បុរសជាប្តីរកគាត់មិនឃើញ ស្រាប់តែប្តីគាត់បានយក ថ្នាំបាញ់កក់មួយកញ្ចប់ មកផឹក រហូតសន្លប់បែកពពុះមាត់ គាត់ក៏ប្រញាប់ប្រញាល់ ដឹកបញ្ជូនមកកាន់ មន្ទីរពេទ្យខេត្តតែម្តង។ ដោផយសារតែជាតិពុល ជ្រាបសព្វពេញខ្លួន ការសង្គ្រោះមិនដឹងថា អាចជួយជីវិតបាន ឬយ៉ាងណានោះទេ តែទោះបីជាយ៉ាងណា ក្រុមគ្រូពេទ្យនិងជួយ អោយអស់ពីលទ្ធភាព ដើម្បីជួយសង្គ្រោះជីវិតជនរងគ្រោះ៕
Source from: watphnom-news.com
Loading...
Post a Comment